کے ڈورے تھے * مبارک آنکھیں قدرتی طَور پر سرمگی تھیں ، جو دیکھتا ، اسے لگتا کہ جیسے ابھی ابھی سرمہ لگایا ہے ^{( [1] )}  * مبارک پلکیں خوبصورت اور لمبی تھیں ^{( [2] )}  * ناک مبارک اُونچائی کی طرف مائِل اور باریک تھی ، درمیان کا حِصَّہ قدرے بلند تھا ، اس پر ہر وقت نُور چمکتا رہتا تھا ^{( [3] )}  * رخسار مبارک سفید  ^{( [4] )} اور چمکدار تھے ^{( [5] )}  * ہونٹ مبارک باریک ، نرم و نازُک اور سرخی مائِل تھے ^{( [6] )}  * دانت مبارک نہایت سفید اور چمکدار تھے ، ان میں مُناسب حد تک فاصلہ تھا ، جب آپ صَلَّی اللہ علیہِ وَ آلِہٖ وَ سلم گفتگو فرماتے تو دانتوں سے نُور جھڑتا دکھائی دیتا تھا ^{( [7] )}  * داڑھی مبارک گھنی تھی ، لمبائی میں ہمیشہ ایک مٹھی کے برابر رہتی اور چوڑائی میں سینہ پاک کو بھرے رکھتی تھی ^{( [8] )}  * غرض کہ چہرہ مبارک ، اس کا ہر ہر عضو ، ہر ہر حِصّہ نہایت خوبصُورت تھا ، صحابۂ کرام علیہمُ الرّضوان  بعض اوقات چہرہ مبارک کا حُسْن بیان کرنے کے لئے اسے وَرَقَۃُ مُصْحَف  ( قرآنِ کریم کا ورق )  کہا کرتے تھے ^{( [9] )}   یعنی آپ صَلَّی اللہ علیہِ وَ آلِہٖ وَ سلم کا چہرہ مبارک اپنی صفائی ، حُسْن و خوبصُورتی اور چمک دمک میں قرآنِ کریم  کے اَوْراق کی طرح تھا * حضرت ابوہریرہ رَضِیَ اللہ عنہ فرماتے ہیں : میں نے رسولِ ذیشان ، مکی مدنی سلطان صَلَّی اللہ علیہِ وَ آلِہٖ وَ سلم سے بڑھ کر حسین کسی کو نہیں دیکھا ، آپ