اس کے حوالے کر دیا۔

یہ دیکھ کر قریش کے لوگ حیران رہ گئے ، جب انہوں نے ابو جہل سے ماجرا پوچھا تو وہ بولا : خدا کی قسم ! میں نے مُحَمَّد صَلَّی اللہ عَلَیْہِ وَ آلِہٖ وَ سَلَّم کے دائیں اور بائیں ایک نیزہ دیکھا ، مجھے یہ ڈر لگا کہ اگر میں نے ان کی بات نہ مانی تو یہ نیزہ مجھے پھاڑ ڈالے گا۔ ^{( [1] )}  

مُعْطِی مطلب تمہارا ہر اِشارہ ہو گیا                                                جب اِشارہ ہو گیا ، مطلب ہمارا ہو گیا

ڈوبتوں کا یانبی کہتے ہی بیڑا پار تھا                                                  غم کِنارے ہو گئے ، پیدا کِنارہ ہو گیا

نام تیرا ، ذِکْر تیرا ، تُو ترا پیارا خیال                                               ناتوانوں ، بےسہاروں کا سہارا ہو گیا ^{( [2] )}

صَلُّوا عَلَی الْحَبیب !                                                صَلَّی اللہ عَلٰی مُحَمَّد

پیارے اسلامی بھائیو ! تفسیر صِراط الجنان میں ہے کہ جب ابو جہل اور اس یتیم بچے کا یہ واقعہ ہوا تو پارہ : 30 ، سُوْرَۂ ماعُون کی پہلی چند آیات نازِل ہوئیں ، اللہ پاک نے فرمایا :

اَرَءَیْتَ الَّذِیْ یُكَذِّبُ بِالدِّیْنِؕ(۱) فَذٰلِكَ الَّذِیْ یَدُعُّ الْیَتِیْمَۙ(۲) وَ لَا یَحُضُّ عَلٰى طَعَامِ الْمِسْكِیْنِؕ(۳)   

( پارہ : 30 ، سورۂ ماعون : 1-3 )

ترجمہ کَنْزُ الایمان : بھلا دیکھو تو جو دِین کو جھٹلاتا ہے ۔پھر وہ وہ ہے جو یتیم کو دھکے دیتا ہےاور مسکین کو کھانا دینے کی رغبت نہیں  دیتا ۔

سُوْرہِ  ماعُون کا مختصر تعارف

اے عاشقانِ رسول ! سُوْرَۂ ماعُون مکیہ ( یعنی ہجرت سے پہلے نازِل ہونے والی سُورتوں میں سے )  ہے ، اس سورت میں  1رکوع اور 7 آیتیں  ہیں ۔ماعُون کا معنیٰ ہے استعمال کی معمولی