میں بیان ہوا ، وہ یہ کہ

وَ یَمْنَعُوْنَ الْمَاعُوْنَ۠(۷)   ( پارہ : 30 ، سورۂ ماعون : 7 )

ترجمہ کَنْزُ العرفان : اور برتنے کی معمولی چیزیں  بھی نہیں  دیتے۔

ماعُون کا معنیٰ ہے : عام استعمال کی معمولی چیز۔مطلب یہ ہے کہ منافقین اتنے کنجوس ، بےحِسْ اور بےپرواہ ہیں کہ اگرکوئی ان سے عام استعمال کی معمولی سِی چیز بھی مانگ لے تو یہ دینے سے اِنْکار کر دیتے ہیں۔ ^{( [1] )}

ایک مستحب عَمَل

پیارے اسلامی بھائیو ! ہمیں چاہیےکہ ہم منافقوں والے اس عمل سے بچنے کی بھی پوری کوشش کریں اپنے اندر سے بخل اور کنجوسی نکالیں ، دل کے سخی بنیں اور دوسروں کی خیر خواہی کی سعادت پایا کریں۔علمائے کرام فرماتے ہیں : مستحب ہے کہ آدمی اپنے گھر میں  ایسی چیز اپنی حاجت سے زیادہ رکھے جن کی ہمسایوں  کو حاجت ہوتی ہے اور انہیں  عاریۃ ً دیا کرے۔ ^{( [2] )}  

ایک گھونٹ پانی پلانے کی فضیلت

مسلمانوں کی پیاری امی جان حضرت عائشہ صدیقہ  رَضِیَ اللہ عنہا  فرماتی ہیں : میں  نے عرض کیا : یا رسولَ اللہ  صَلَّی اللہ عَلَیْہِ وَ آلِہٖ وَ سَلَّم ! کون سی چیز ہے جس کا منع کرنا حلال نہیں ؟ فرمایا : پانی ، نمک اور آگ۔ میں  نے عرض کیا : یا رسولَ اللہ  صَلَّی اللہ عَلَیْہِ وَ آلِہٖ وَ سَلَّم ! پانی کو تو ہم سمجھ گئے ، مگر نمک اور آگ کا یہ حکم کیوں  ہے ؟ فرمایا : اے حُمَیْرَاء  رَضِیَ اللہ عنہا ! جس نے کسی کو آگ دی اس نے گویا اس آگ سے پکا ہوا سارا کھانا خیرات کیا اور جس نے کسی کو نمک دیا اس