پیارے اسلامی بھائیو ! اگر ہم غور کریں تو یہ صُورتیں بھی اب ہمارے معاشرے میں بہت پائی جا رہی ہیں * کتنے ایسے ہیں   جو نَمازوں کی پابندی نہیں کرتے * نَمازیں قضا کرتے ہیں * نَماز کے فرائض و واجبات کی درست ادائیگی تو دُور کی بات ، مسلمانوں کی ایک تعداد ایسی ہے جنہیں نَماز کے فرائض اور واجبات کی پُوری معلومات بھی نہیں ہوتی * کتنے ایسے ہیں جو نَماز کی بالکل پرواہ ہی نہیں کرتے * کبھی دِل کیا تو پڑھ لی ، کبھی نہ پڑھی * کوئی 2 پڑھتا ہے * کوئی 4 پڑھ کر دِل کو منا لیتا ہے * کوئی بِلا عذر جماعت چھوڑتا ہے اور * ایسوں کی بھی ایک تعداد ہے جو جمعہ یا صِرْف عید کے دِن ہی مسجد کا رُخ کرتے ہیں۔  

نَماز سے غفلت کا وبال

یاد رکھئے ! نماز دِین کا اَہَم ترین رُکن ہے ، اللہ پاک قرآنِ کریم میں فرماتا ہے :

فَخَلَفَ مِنْۢ بَعْدِهِمْ خَلْفٌ اَضَاعُوا الصَّلٰوةَ وَ اتَّبَعُوا الشَّهَوٰتِ فَسَوْفَ یَلْقَوْنَ غَیًّاۙ(۵۹) 

 ( پارہ : 16 ، سورۂ مریم : 59 )

ترجمہ کَنْزُ الایمان : تو ان کے بعد ان کی جگہ وہ ناخلف آئے جنہوں نے نمازیں گنوائیں  ( ضائع کیں ) اور اپنی خواہشوں کے پیچھے ہوئے تو عنقریب وہ دوزخ میں غَیّ   کا جنگل پائیں گے۔

اس آیتِ مقدسہ میں غَیّ کا تذکرہ ہے ، حضرت علامہ مولانا مفتی محمد امجد علی اَعظمی  رَحمۃُ اللہ علیہ فرماتے ہیں : غَیّجہنم میں ایک وادی ہے جس کی گرمی اور گہرائی سب سے زیادہ ہے ، اس میں ایک کنواں ہے جس کا نام ہَب ہَب ہے ،  جب جہنم کی آگ بجھنے پر آتی ہے اللہ پاک  اس کنوئیں کو کھول دیتا ہے جس سے وہ بدستور ( یعنی پہلے کی طرح )  بھڑکنے لگتی ہے۔ ^{( [1] )}