مہِ  رمضان  کے  صدقے  میں  فرما دے کرم مولیٰ ! ^{( [1] )}

صَلُّوا عَلَی الْحَبیب !                                                صَلَّی اللہ عَلٰی مُحَمَّد

ماہِ رمضان کی ایک پیاری عِبَادت

پیارے اسلامی بھائیو ! ماہِ رمضان کا دوسرا عشرہ جاری ہے ، عنقریب آخری عشرہ شروع ہو جائے گا۔رمضانُ المبارک کے آخری عشرے کی ایک بہت ہی پیاری عِبَادت ہے : اِعتکاف۔ پیارے آقا ، مکی مدنی مصطفےٰ  صَلَّی اللہ عَلَیْہِ وَ آلِہٖ وَ سَلَّم سے پورے ماہِ رمضان کا اِعتکاف کرنا بھی ثابت ہے اور آخری عشرے کا اِعتکاف تو ہمارے آقا و مولیٰ ، تاجدارِ انبیا  صَلَّی اللہ عَلَیْہِ وَ آلِہٖ وَ سَلَّم کو بہت محبوب تھا ، آپ صَلَّی اللہ عَلَیْہِ وَ آلِہٖ وَ سَلَّم آخری عشرے کے اِعتکاف کا بہت اہتمام فرماتے تھے۔یہاں تک کہ ایک مرتبہ کسی سبب سے رمضانُ المبارک میں اِعتکاف نہ ہو سکا تو آپ  صَلَّی اللہ عَلَیْہِ وَ آلِہٖ وَ سَلَّم نے شَوَّال میں اِعتکاف فرمایا۔ ^{( [2] )}

اِعتکاف کے فضائِل

 * اللہ پاک کے آخری نبی ، مکی مدنی  صَلَّی اللہ عَلَیْہِ وَ آلِہٖ وَ سَلَّم نے فرمایا : جو اللہ پاک کی رضا و خوشنودی کے لئے ایک دِن کا اِعتکاف کرے گا اللہ پاک اس کے اور جہنّم کے درمیان 3 خندقیں حائِل کر دے گا ، ہر خندق کی مَسَافت  ( یعنی دُوری )  مشرق و مغرب کے فاصلے سے بھی زیادہ ہے۔ ^{( [3] )}  * اُمُّ المُؤمِنِیْن حضرت عائشہ صدیقہ  رَضِیَ اللہ عنہا سے روایت ہے : مَنْ اِعْتَکَفَ اِیْمَاناً وَ اِحْتِسَابًا غُفِرَ لَہٗ مَا تَقَدَّمَ مِنْ ذَنْبِہٖ جس نے ایمان کے ساتھ اور ثواب