Book Name:Mosam Sarma Ki Barkat
مادّے بھی وہی ، اللہ پاک صِرْف سُورج کے نکلنے اور ڈُوبنے کے مقامات تبدیل کر کے موسم کو تبدیل کر دیتا ہے۔ پَس اے جنّو... ! ! اے انسانو... ! !
فَبِاَیِّ اٰلَآءِ رَبِّكُمَا تُكَذِّبٰنِ(۱۸) ( پارہ : 27 ، سورۂ رحمٰن : 18 )
ترجَمہ کنز الایمان : تو تم دونوں اپنے رب کی کون سی نعمت جھٹلاؤ گے۔
ہر شے سے ہیں عیاں مِرے صانع کی صنعتیں عالَم سب آئنوں میں ہے آئینہ ساز کا
اَفلاک و اَرض سب ترے فرماں پذیر ہیں حاکم ہے تُو جہاں کے نَشیب و فَراز کا
مشکل الفاظ کے معنیٰ : عیاں : ظاہر ، صانع : بنانے والا ، نَشیب و فَراز : حالات میں تبدیلی
وضاحت : دُنیا جہاں کی اشیا کو میرا رَبّ ہی بنانے والا ہے لہٰذا اشیا سےاس کی قدرت واضح ہوتی ہے ، آسمان و زمین اور جو کچھ ان میں موجود ہے وہ سب میرے رَبّ کے حکم کے تابع ہیں اور کائنات میں جو بھی رد و بدل ہوتا ہے وہ اسی حاکمِ مطلق کے حکم سے ہوتا ہے۔
موسمِ سَرما اور نشاناتِ عبرت و نصیحت
پیارے اسلامی بھائیو ! اگر ہم غورکریں تو سردِی کا موسم جب آتا ہے تو اپنے ساتھ عبرت و نصیحت کا بڑا سامان بھی ساتھ لاتا ہے۔
( 1 ) : سردیوں میں گرم لباس اللہ پاک کی نعمت ہے
پیارے اسلامی بھائیو ! سردیوں میں ہم گرم لباس ( جرسی ، سویٹر ، شال وغیرہ ) پہنتے ہیں ، یہ بھی اللہ پاک کی بڑی نعمت ہے۔ پارہ : 14 ، سورۂ نحل ، آیت : 81 میں اللہ پاک فرماتا ہے :
وَّ جَعَلَ لَكُمْ سَرَابِیْلَ تَقِیْكُمُ الْحَرَّ وَ سَرَابِیْلَ تَقِیْكُمْ بَاْسَكُمْؕ-كَذٰلِكَ یُتِمُّ نِعْمَتَهٗ عَلَیْكُمْ لَعَلَّكُمْ تُسْلِمُوْنَ(۸۱) ( پارہ : 14 ، سورۂ نحل : 81 )
ترجَمہ کنز الایمان : اور تمہارے لیے کچھ پہناوے