اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف      ( ترجمہ : میں نے سُنَّت اعتکاف کی نِیَّت کی )

درودِ پاک کی فضیلت

حضرت شیخ اَبُو الحسن شَعْرانی رَحمۃُ اللہ عَلَیْہ  فرماتے ہیں : حضرت مَنْصُور بن عمّار رَحمۃُ اللہ عَلَیْہ کو بعدِ وَفات میں نے خواب میں دیکھ کر پوچھا : مَا فَعَلَ اللّٰہُ بِکَ یعنی اللہ پاک نے آپ کے ساتھ کیا برتاؤ فرمایا ؟  جواب دیا : میرے رَبِّ کریم نے مجھ سے فرمایا : تُو مَنْصُور بن عَمَّار ہے ؟  میں نے عرض کی : ہاں ، یَا رَبَّ العالمین ! پھر فرمایا : تُو ہی ہے جو لوگوں کو دُنیا سے بےرغبتی کی ترغیب دیتا تھا اور خود دُنیا کی طرف راغِب  ( یعنی مائِل )  تھا ؟   میں نے عرض کی : یَا اللہ پاک ! واقعی بات تو یہی ہے لیکن جب بھی میں نے کسی اجتماع میں بیان شروع کیا تو پہلے تیری حمد و ثنا کی ، اس کے بعد تیرے حبیب صلی اللہ عَلَیْہِ وَ آلِہٖ وَسَلَّم پر درودِ پاک پڑھا ، پھر اس کے بعد تیرے بندوں کو وَعْظ و نصیحت ( Advice )  کی۔ میری اس عرض پر اللہ پاک کی رحمت جوش میں آئی اور ارشاد ہوا : اے فرشتو ! اس کے لئے آسمانوں میں کرسی بچھاؤ تاکہ جیسے یہ میری زمین میں میرے بندوں کے سامنے میری بزرگی بیان کرتا تھامیرے آسمانوں میں یہ میرے فرشتوں کے سامنے میری عظمت بیان کرے۔ ^{( [1] )}