بنائے کہ تمہیں گرمی سے بچائیں اور کچھ پہناوے کہ لڑائی میں تمہاری حفاظت کریں یونہی اپنی نعمت تم پر پوری کرتا ہے کہ تم فرمان مانو ۔

 پھر غور فرمائیے ! یہ گرم لباس  ( جیکٹ وغیرہ )  ہمیں حاصِل کیسے ہوتے ہیں ؟  یا تو چمڑے ( Leather )  سے بنتے ہیں یا اُون سے۔ یہ اُون ( Wool )  اور چمڑا کہاں سے آتا ہے ؟  گائے ، بھینس ، بکری اور بھیڑ وغیرہ جانوروں سے حاصِل ہوتا ہے۔ اللہ پاک فرماتا ہے :

وَ الْاَنْعَامَ خَلَقَهَاۚ-لَكُمْ فِیْهَا دِفْءٌ وَّ مَنَافِعُ وَ مِنْهَا تَاْكُلُوْنَ۪(۵)   ( پارہ : 14 ، سورۂ نحل : 5 )

ترجَمہ کنز الایمان : اور چوپائے پیدا کیے ان میں تمہارے لیے گرم لباس اور منفعتیں ہیں  اور ان میں سے کھاتے ہو۔

 وہ کتنا عظیم رَبّ ہے ، جس نے دُنیا کی تمام مخلوقات کو اَشْرَفُ الْمَخْلوقات کے فائدے میں لگا دیا ہے۔ یہ بھی ہمارے رَبِّ کریم کی کتنی عظیم نعمتیں ہیں.... ! !

فَبِاَیِّ اٰلَآءِ رَبِّكُمَا تُكَذِّبٰنِ(۱۸)   ( پارہ : 27 ، سورۂ رحمٰن : 18 )

ترجَمہ کنز الایمان : تو تم دونوں اپنے رب کی کون سی نعمت جھٹلاؤ گے۔

آگ کی پیدائش بھی نعمت ہے

ہم سردیوں میں گرمائش حاصِل کرنے کے لئے آگ جلاتے ہیں ، یہ بھی اللہ پاک کی نعمت ہے۔ رَبِّ کریم ارشاد فرماتا ہے :

اَفَرَءَیْتُمُ النَّارَ الَّتِیْ تُوْرُوْنَؕ(۷۱) ءَاَنْتُمْ اَنْشَاْتُمْ شَجَرَتَهَاۤ اَمْ نَحْنُ الْمُنْشِــٴُـوْنَ(۷۲) نَحْنُ جَعَلْنٰهَا تَذْكِرَةً وَّ مَتَاعًا لِّلْمُقْوِیْنَۚ(۷۳)   ( پارہ : 27 ، سورۂ واقعہ : 71 تا 73 )  

ترجَمہ کنز الایمان : تو بھلا بتاؤ تو وہ آگ جو تم روشن کرتے ہو کیا تم نے اس کا پیڑ پیدا کیا یا ہم