Sila Rehmi

Al Quran Books Madani Channel

Magazine Courses Media

ہوجاتی ہے اور وَقْت گُزرنے کے ساتھ ساتھ یہ دُوریاں اس قدر پُخْتَہ ہو جاتی ہیں کہ برسہابرس تک فَرِیْقَیْن ایک دوسرے سے جُدا رہتے ہیں۔ ” حالانکہ کوئی ہمارے یہاں شریک نہ ہوا ہو تو اُس کے بارے میں اچّھا گمان رکھنے کے کئی پہلو نکل سکتے ہیں ، مَثَلًا وہ نہ آنے والا بیمار ہو گیا ہو گا ، بُھول گیا ہو گا ، ضَروری کام آپڑ اہو گا ، یا کوئی سخت مجبوری ہو گی ، جس کی وضاحت اس کے لئے دُشوار ہو گی وغیرہ وغیرہ ۔وہ اپنی غیر حاضِری کا سبب بتائے یا نہ بتائے ، ہمیں حُسنِ ظن رکھ کر ثواب کمانے اور جنّت میں جانے کا سامان کرتے رہنا چاہیے۔

حُسنِ ظن کی فضیلت

فرمانِ مصطَفٰے صَلَّی اللہُ عَلَیْہِ وَاٰلِہٖ وَسَلَّم ہے : حُسْنُ الظَّنِّ مِنْ حُسْنِ الْعِبَادَۃِ یعنی حُسنِ ظَن عُمدہ عِبادت ہے۔ ( ابوداوٗد ج۴ ص۳۸۷ حدیث ۴۹۹۳)مشہور مُفَسِّر حکیمُ الْاُمَّت مُفْتی احمد یار خان رَحْمَۃُ اللّٰہ ِ عَلَیْہ اِس حدیثِ پاک کے تحت فرماتے ہیں : مُسلمانوں سے اچّھا گُمان کرنا ، ان پر بدگُمانی نہ کرنا یہ بھی اچّھی عبادات میں سے ایک عبادت ہے۔

( مِراٰۃُ المَناجِیح ج۶ ص ۶۲۱)

اوربِالفرض اگر ہماراکوئی رشتے دار سُستی کے سبب یا کسی بھی وجہ سے یاجان بُوجھ کر ہمارے یہاں نہیں آیا ، یا ہمیں اپنے یہا ں مَدعو نہیں کِیا ، بلکہ اس نے کُھلَّم کُھلّا ہمارے ساتھ بد سُلُوکی کی تب بھی ہمیں حوصلہ بڑا رکھتے ہوئے تعلُّقات برقرار رکھنے چاہئیں ، حضرت اُبَی بِن کَعب رَضِیَ اللہُ عَنْہ سے روایت ہے کہ سلطانِ دوجہان ، شَہَنشاہِ کون ومکان صَلَّی اللہُ عَلَیْہِ وَاٰلِہٖ وَسَلَّم کا فرمانِ عظیمُ الشَّان ہے : جسے یہ پسند ہوکہ اُس کے لیے ( جنّت میں)مَحل بنایا جائے اوراُس کے دَرَجات بُلند کیے جائیں ، اُسے چاہیے کہ جو اُس پرظُلم کرے ، یہ اُسے مُعاف کرے اورجو اُسے محروم کرے ، یہ اُسے عطا کرے اورجو اُس سے قَطعِ تَعلُّق کرے یہ اُس سے ناطہ ( یعنی تعلُّق)جوڑے۔ ( اَلْمُستَدرَک ، ۳ / ۱۲ ، الحدیث ۳۲۱۵)

Important

Mobile Apps

Contact Us