حضرت محمد بن سعید رَحمۃُ اللہ عَلَیْہ  فرماتے ہیں : جانِ کائنات ، فخرِ موجودات صلی اللہ عَلَیْہِ وَ آلِہٖ وَسَلَّم کا فرمانِ ذیشان سُن کر مجھے حیا آگئی کہ کہاں میرا مُنہ اور کہاں حُضُور صلی اللہ عَلَیْہِ وَ آلِہٖ وَسَلَّم  کے پیارے پیارے ، سوہنے سوہنے مبارک ہونٹ... ! ! یہ سوچ کر مَیں نے حیا سے اپنا چہرہ جھکا لیا ، اب سراپا حُسْن و جمال ،  بی بی آمنہ کے لال صلی اللہ عَلَیْہِ وَ آلِہٖ وَسَلَّم نے خُود میرے  رُخْسار کو بوسہ دیا... ! !  

ارمان زَدوں کی ہیں تمنائیں بھی پیاری     ارمان نکالا تو کس ارماں سے نکالا ^{( [1] )}

حضرت محمد بن سعید رَحمۃُ اللہ عَلَیْہ  مزید فرماتے ہیں : سرکارِ عالی وقار ، مکی مدنی تاجدار صلی اللہ عَلَیْہِ وَ آلِہٖ وَسَلَّم نے مجھے اس عنایت سے نوازا ہی تھا کہ میری آنکھ کھل گئی ، میری زوجہ  ( Wife ) جو قریب ہی سو رہی تھیں ، وہ بھی جاگ گئیں ، ہمارا گھر پاکیزہ نبی ، مکی مدنی ، رسولِ عربی صلی اللہ عَلَیْہِ وَ آلِہٖ وَسَلَّم  کی خوشبوؤں سے مہک رہا تھا اور میرا رُخْسار تو 8 دِن تک مہکتا رہا۔  ^{( [2] )}

وہ جس رَہ سے گزرتے ہیں ، بسی رہتی ہے مُدَّت تک

نصیب اُس گھر کے جس گھر میں ٹھہریں میہماں ہو کر ^{( [3] )}

 اے عاشقانِ رسول ! دیکھا آپ نے درودِ پاک کی برکت سے حضرت محمد بن سعید رَحمۃُ اللہ عَلَیْہ   پر کیسا کرم ہوا.. ! اللہ پاک ہمیں بھی کَثْرت سے درودِ پاک پڑھنے کی توفیق عطا فرمائے۔

  آمِیْن بِجَاہِ خَاتَمِ النَّبِیّٖن  صلی اللہ عَلَیْہِ وَ آلِہٖ وَسَلَّم ۔

بیٹھتے اٹھتے ، جاگتے سوتے                ہو   اِلٰہی   مرا   شِعَار   درود ^{( [4] )}

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد