ہے۔حالانکہ ہمارا دِین ( Religion )  یہ چاہتا ہے کہ ہم ایک دوسرے کی دل جوئیاں کریں ،  کیونکہ دل جوئی کے بڑے فائدے ہیں :   * دل  جوئی سے تعلقات مضبوط ہوتے ہیں * دل جوئی سے ناراضیاں ختم ہوتی ہیں * دل جوئی سے محبتوں میں اضافہ ہوتا ہے * دل جوئی بیگانوں کو بھی اپنا بنا دیتی ہے * دل جوئی نیکی کے کاموں میں معاونت کرتی ہے * دل جوئی جنت کی طرف لے جاتی ہے * دل جوئی جہنم سے بچاتی ہے * دل جوئی سے دنیا بھی بہتر ہوتی ہے * دل  جوئی سے قبر بھی روشن ہو سکتی ہے * دل جوئی آخرت میں بھی کامیابیاں دلا سکتی ہے ، اَلْغَرَض!دل جوئی میں فائدے ہی فائدے ہیں۔لہٰذا جائز طریقے سے مسلمان مرد کا مسلمان مردوں ، اپنی محرمات  اور بچوں کی امی کی ، اسی طرح مسلمان عورتوں  کا مسلمان عورتوں  ، اپنے محارم اور بچوں کے ابو کی دل جوئی کرنا بڑے اجر و ثواب  کا باعث ہے۔ایسا کرنے سے جہاں آخرت اچھی ہو گی ، وہیں نیکی کی دعوت عام کرنے میں مدد ملے گی۔آیئے!دل جوئی کرنے کے فضائل  پر مشتمل 3  فرامینِ مُصطفٰےسنتے ہیں ، چنانچہ

دل جوئی   کےفضائل

1معجم کبیر کی حدیثِ مبارکہ میں ہے کہ اللہ پاک کے نزدیک فرائض کی ادائیگی کے بعد سب سے افضل عمل مسلمان کے دل میں خوشی داخل کرنا ہے۔  ^{( [1] )}  2پیارے آقا ،  مدینے والے مصطفےٰ صَلَّی اللّٰهُ عَلَیْهِ وَ آلِهٖ وَ سَلَّم  نے ارشاد فرمایا : بے شک مغفرت کو واجب کر دینے والی چیزوں میں سے تیرا اپنے مسلمان بھائی کا دل خوش کرنا بھی ہے۔  ^{( [2] )}  3فرمانِ آخری نبی ،  رسولِ ہاشمی صَلَّی اللّٰهُ عَلَیْهِ وَ آلِهٖ وَ سَلَّم : جو شخص  کسی مسلمان کا دل خوش کرتا ہے تو اللہ پاک اُس