ہے ، ان دنوں میں بھی ہو سکتی ہے۔ ^{( [1] )}  

اِیصالِ ثواب کرنے کا  ایک طریقہ  یعنی مومنین کیلئے دُعائے مغفرت کرنے کا  ثبوت قرآنِ کریم میں واضح  طور پر موجود ہے ، چنانچہ پارہ  28 سورۂ حشر کی آیت نمبر  10میں اللہ پاک ارشاد فرماتا ہے :

وَ الَّذِیْنَ جَآءُوْ مِنْۢ بَعْدِهِمْ یَقُوْلُوْنَ رَبَّنَا اغْفِرْ لَنَا وَ لِاِخْوَانِنَا الَّذِیْنَ سَبَقُوْنَا بِالْاِیْمَانِ

 ( پارہ : 28 ،  سورۂ الحشر : 10 )

تَرْجَمَۂ کنز الایمان : اور وہ جو اُن کے بعد آئے  عرض کرتے ہیں اے ہمارے ربّ ہمیں بخش دے اور ہمارے بھائیوں کو جو ہم سے پہلے ایمان لائے ۔

 مشہور مُفسّرِ قرآن ،  حضرت مفتی احمد یار خان نعیمی رَحْمَۃُ اللّٰہ عَلَیْہ فرماتے ہیں : یہاں  سے دو مسئلے معلوم ہوئے ایک یہ صرف اپنے لئے دُعا نہ کرے  ، بزرگوں کے لئے بھی کرے ،  دوسرا یہ کہ بُزرگانِ دِین خصوصاً صحابہ کرام و اہلِ بیت کے عُرس  ، ختم ، نیاز فاتحہ وغیرہ یہ  اعلیٰ چیزیں  ہیں کہ اِن میں اُن بزرگوں کے لئے دعا ہے ۔ ^{( [2] )}  

احادیث ِمبارکہ کی روشنی میں ایصالِ ثواب

حضرتِ سعد بن عُبادہ رَضِیَ اللہ عَنْہ کی والدہ صاحبہ کا انتقال ہوا تو انہوں نے بارگاہ  ِرسالت صَلَّی اللّٰہُ عَلَیْہِ واٰلِہٖ وَسَلَّم میں حاضر ہو کر عرض کیا : یَا رَسُوْلَ اللہ  صَلَّی اللّٰہُ عَلَیْہِ واٰلِہٖ وَسَلَّم !میری والدہ محترمہ کا میری غیر موجودگی میں انتقال ہو گیا ہے  ، اگر میں ان کی طرف سے کچھ صَدَقہ کروں تو کیا انہیں کوئی فائدہ پہنچ سکتا ہے ؟  ارشاد فرمایا :  ہاں ، عرض کیا :  تو میں آپ صَلَّی اللّٰہُ عَلَیْہِ واٰلِہٖ وَسَلَّم