اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف                                                                                                                ( ترجمہ :  میں نے سُنَّت اعتکاف کی نِیَّت کی )

درودِ پاک کی فضیلت

حُضُور نبئ رحمت ، شفیعِ اُمّت صَلَّی اللّٰہُ عَلَیْہِ واٰلِہٖ وَسَلَّم نے ارشاد فرمایا : قیامت کے روز اللہ پاک کے عرش کے سوا کوئی سایہ نہیں  ہو گا ، 3 شخص اللہ پاک کے عرش کے سائے میں ہوں گے۔عرض کی گئی : یَا رَسُولَ اللہ  صَلَّی اللّٰہُ عَلَیْہِ واٰلِہٖ وَسَلَّم !وہ کون لوگ ہوں  گے ؟  ارشاد فرمایا : 1وہ شخص جو میرے اُمّتی کی پریشانی دُور کرے2میری سُنّت کو زِندہ کرنے والا 3مجھ پر کثرت سے دُرود شریف پڑھنے والا۔  ^{( [1] )}

شافعِ روزِ جَزا تم پہ کروروں دُرُود           دافعِ جُملہ بَلا تم پہ کروروں دُرُود ^{( [2] )}

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

پیارے اسلامی بھائیو!اسلامی  سال  کا آغاز مُحَرّمُ الْحَرَام کے بابرکت مہینے سے ہوتا ہے ،  اللہ پاک نے ہمیں اسلامی سال کے اس پہلے مہینے میں ہی خوب نیکیاں کرنے اور اجر و ثواب حاصل کرنے کے کثیر مواقع عطا فرمائے ہیں ، اسی مناسبت سے آج کے بیان میں ہم مُحَرّمُ الْحَرَام کے فضائل ، اس میں عبادت کرنے کی برکتیں ، روزے رکھنے ، مسلمانوں سے خیرخواہی