شڪايت آڻيون۔

الله پاڪ سڀني کي ڪمال ئي عطا فرمايو آهي

حضرت موسيٰ ۽ حضرت هارون عَـلَيْهِمَا الـسَّلَام فِرعَون وٽ، ان کي نيڪي جي دعوت ڏيڻ جي لاءِ ويا ته فرعون پڇيو

قَالَ  فَمَنۡ  رَّبُّکُمَا  یٰمُوۡسٰی )۴۹ ((پاره: 16، سورۂ طٰهٰ: 49)                                     

ترجَمو ڪنزُ العرفان:  اي موسيٰ! پوءِ توهان ٻنهي جو رب ڪير آهي؟

هن جي جواب ۾ حضرت موسيٰ عَـلَيْـهِ الـسَّـلاَم فرمايائون:

قَالَ رَبُّنَا الَّذِیۡۤ اَعۡطٰی کُلَّ شَیۡءٍ خَلۡقَہٗ  ثُمَّ  ہَدٰی )۵۰(      (پاره: 16، سورۂ طٰهٰ: 50)

ترجَمو ڪنزُ العِرفان: اسان جو رب اهو آهي جنهن هر شيءِ کي ان جي لائق صورت ڏني  پوءِ راھ ڏيکاريائين.

مُفَسِّر سڳورن هن آيت جي جيڪا وَضَاحت فرمائي، هن جي مطابق هن جو مطلب هي آهي ته رَبّ اهو آهي جنهن هر شيء کي هڪ خاص مقصد (Purpose) جي تحت، مَخصُوص صلاحيت تي پيدا فرمايو آهي، پوءِ هر شيء کي ان جي ڪم جي مطابق صُورت به عطا فرمائي، پوءِ هر شيء کي ان جي صلاحيت ۽ ڪم جي مطابق اَسباب به عطا فرمايا آهن ۽ گڏوگڏ انهن سببن کي استعمال ۾ ڪيئن آڻڻو آهي، ان جي هدايت به فرمائي۔ مثلاً الله پاڪ اک ڏسڻ جي لاءِ پيدا فرمائي، ان ۾ ڏسڻ جي صلاحيت به رکي، ڪن ٻُڌڻ جي لاءِ پيدا فرمايا، ڪنن