معنیٰ یہ ہے کہ بندہ اللہ پاک کے سِوا کسی کو بھی اپنا رَبّ تسلیم نہ کرے ، مثلاً پتھر ، درخت ، چاند ، سورج ، ستارے یا اس کے عِلاوہ تمام وہ چیزیں جنہیں مشرکین اپنا رَبّ مانتے ہیں ، بندہ ان سب کا انکار کر کے سچّے دِل سے یہ اقرار کر لے کہ اللہ ایک ہے ، اس کے سِوا کوئی عبادت کے لائق نہیں ، وہی میرا رَبّ ہے ، وہی مجھے رِزْق دیتا ہے ، وہی مجھے پالتا ہے ، اسی نے مجھے سانسیں عطا کیں ، وہی مجھے زِندگی بخشنے والا ہے ، اس کے سِوا نہ کوئی رَبّ تھا ، نہ ہے ، نہ کوئی ہو گا۔ ^{( [1] )}

رِضَا کا یہ درجہ ہمارے اِیْمان کی بنیاد ہے ، اس کے بغیر کوئی شخص مسلمان ہو ہی نہیں سکتا۔

اللہ واحد و یکتا ہے                         ایک خدا بس تنہا ہے

کوئی نہ اس کا ہَمتا ہے                      ایک  ہی  سب  کی  سنتا  ہے ^{( [2] )}

رِضَا کا دوسرا درجہ

اللہ پاک میرا رَبّ ہے اس پر راضی ہو جانے کا ایک دوسرا درجہ ہے ، وہ کیا ہے؟ حُضُور داتا گنج بخش علی ہجویری رَحمۃُ اللہ عَلَیْہ فرماتے ہیں : رِضَا یہ ہے کہ منع و عطا دونوں حالتوں میں دِل کی کیفیت یکساں رہے۔ ^{( [3] )}

یعنی اللہ پاک نعمت عطا فرمائے ، تب بھی دِل مطمئن ( Satisfy ) ہو اور اللہ پاک کی طرف سے آزمائش آئے تو اس پر بھی دِل مطمئن ہی رہے۔ مثال کے طور پر ہمیں کوئی آ کر کہے : تمہاری ایک کروڑ روپے کی لاٹری (Lottery ) نکلی ہے تو ہمارے دِل کی حالت کیا