بیان سُنوں گا * بااَدَب بیٹھوں گا * خوب تَوَجُّہ سے بیان سُنوں گا * جو سنوں گا ، اسے یاد رکھنے ، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

اللہ پاک سے راضِی ہو جانا کسے کہتے ہیں؟

حضرت رابعہ بصریہ  رَحمۃُ اللہ عَلَیْہا اللہ پاک کی ولیہ ، بہت نیک اور عبادت گزار تھیں ، ایک روز آپ  تشریف فرما تھیں ، آپ کے سامنے ایک شخص نے دُعا کی : یا اللہ پاک ! مجھ سے راضِی  ہو جا۔

یہ دُعا مانگنا بالکل جائز ہے ، عموماً یہ دُعا مانگی بھی جاتی ہے مگر اولیائے کامِلین کے اپنے نِرالے انداز ہیں ، چنانچہ حضرت رابعہ بصریہ  رَحمۃُ اللہ عَلَیْہا نے جب اس شخص کی زبان سے یہ دُعا سُنی تو فرمایا : اے شخص ! تجھے شرم نہیں آتی...؟ اللہ پاک سے اُس کی رضا مانگتے ہو جبکہ تم خود اس سے راضی نہیں ہو۔

قریب بیٹھے ہوئے ایک شخص نے عرض کیا : بندہ اللہ پاک سے راضِی ہو جائے اس کا کیا معنیٰ ہے؟ فرمایا : جب تمہیں مصیبت پر بھی یونہی خوشی ہو جیسی نعمت ملنے پر ہوتی ہے ، تب کہا جائے گا کہ تم اللہ پاک سے راضی ہو۔ ^{( [1] )}  

تاج وتخت وحکومت مت دے          کثرتِ مال و دولت مت دے

اپنی رِضا کا دیدے مُژدہ                                                                                                    یااللہ مِری  جھولی  بھر  دے ^{( [2] )}

صَلُّوْا عَلَی الْحَبیب !                                                                   صَلَّی اللّٰہُ عَلٰی مُحَمَّد