حِرْصِ دُنیا نکال دے دِل سے                            بَس رَہُوں طالِبِ رضا یارَبّ

صَلُّوۡا عَلَي الۡحَبيب!                                                 صَلَّي اللّٰه عَلٰي مُحَمَّد

اي عاشقانِ رسول! الحمد لله! امام بُخاري رَحْمَةُ اللهِ عَلَيۡه ماڻهن ۾ تمام گھڻي مقبوليت رکندڙ شخصيت هئا ، سندن زماني جا ماڻهو به ساڻس گھڻي محبت ڪندا هئا ، شايد امام بخاري رَحْمَةُ اللهِ عَلَيۡه جي ان مقبوليت جو سبب اهو به هو ته پاڻ رَحْمَةُ اللهِ عَلَيۡه ماڻهن وٽ موجود شين جي لالچ نه رکندا هئا۔ حديثِ پاڪ ۾ آهي ، هڪ ڀيري هڪ صحابي رَضِىَ اللهُ عَنۡه بارگاھ رِسَالت ۾ حاضِر ٿي عرض ڪيو : يارَسُولَ الله صَلَّى اللّٰهُ عَلَيۡهِ واٰلِهٖ وَسَلَّمَ! مون کي ڪو اهڙو عمل ٻڌايو جنهن تي عمل ڪرڻ سان الله پاڪ به مون سان محبت فرمائي ۽ ماڻهو به محبت ڪن۔ پياري آقا ، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ جن فرمايو : اِزۡھَدۡ فِي الدُّنۡيا يحِبُّک الله وَازۡهدۡ فِيمَا عِنۡدَ النَّاسِ يحِبُّک النَّاسُ دُنيا کان بي رغبت ٿي وڃ ، الله پاڪ تون سان محبت ڪندو ۽ ماڻهن وٽ جيڪو ڪجھ آهي ، ان کان بي رغبت ٿي وڃ ، ماڻهو توسان محبت ڪرڻ لڳندا۔ (ابن ماجہ ، کتاب : الزہد ، صفحہ : 667 ، حدیث : 4102)

هڪ حديثِ پاڪ ۾ آهي : مؤمن جو شَرف رات جي عبادت ۾ آهي ۽ ان جي عزَّت ماڻهن سان بي پرواھ ٿي وڃڻ ۾ آهي۔ (مستدرک حاکم ، کتاب : الرقاق ، جلد : 5 ، صفحہ : 463 ، حدیث : 7991)

الله پاڪ اسان کي به طمع ، لالچ ۽ ماڻهن وٽ موجود نعمتن ڏانهن لالچ ڀري نگاهن سان ڏسڻ کان محفوظ فرمائي۔ اٰمِين بِجَاه النَّبِي الاَمِين صَلَّى اللّٰهُ عَلَيۡهِ واٰلِهٖ وَسَلَّمَ۔

(۳) : امام بخاري رَحْمَةُ اللهِ عَلَيۡه پنهنجي ڪم سان ڪم رکندا هئا

امام بُخاري رَحْمَةُ اللهِ عَلَيۡه جي ٽئين خاص عادت اها آهي ته پاڻ رَحْمَةُ اللهِ عَلَيۡه ماڻهن جي مُعَامَلن ۾ هروڀرو دخل اندازي نه ڪندا هئا بلڪ پاڻ رَحْمَةُ اللهِ عَلَيۡه پنهنجي ڪم سان ڪم رکندا هئا۔