ٹھنڈا ٹھنڈا میٹھا میٹھا                          پیتے ہم ہیں پلاتے یہ ہیں

ماں اِکلوتے کو جب چھوڑے                       آآ کہہ کہ بُلاتے یہ ہیں

    باپ جہاں بیٹے سے بھاگے                                    لطف وہاں فرماتے یہ ہیں                                    

     اُس کی بخشش اِن کا صَدقہ                دیتا وہ ہے دِلاتے یہ ہیں

مرقد میں     بندوں     کو تھپک کر            میٹھی نیند سلاتے یہ ہیں

خود سجدے میں     گِر کر اپنی                      گِرتی اُمت اُٹھاتے یہ ہیں

    کہدو رضا ؔسے خوش ہو خوش رہ                 مُژدہ رضا کاسناتے یہ ہیں ^{([1] )}

صَلُّوْا عَلَی الْحَبِیْب!                                                                  صَلَّی اللہُ عَلٰی مُحَمَّد

مکّی کی آمد مرحبا                       مَدَنی کی آمد مرحبا

عَرَبی کی آمد مرحبا                    قُرَشی کی آمد مرحبا

ہاشِمی کی آمد مرحبا                    مُطَّلِبی کی آمد مرحبا

اے عاشقانِ میلاد !ہمارے آقا ، دوعالم کے داتا صَلَّی اللّٰہُ عَلَیْہِ وَاٰلہٖ وَسَلَّم کی عطا کیسی ہے۔ یہ مانگنے والوں کوکیسے نوازتے ہیں ۔ یہ کیسے ان کی جھولیاں بھرتے ہیں ۔ یہ کیسے انہیں جنت کی خوشخبری  سناتے ہیں ۔ آئیے سنتے ہیں  :

حضرتِ سَیِّدُنارَبِیعہ بن کعب اَسْلَمی رَضِیَ اللّٰہُ عَنہ فرماتے ہیں : میں رات حضور ، سراپا نور صَلَّی اللہُ عَلَیْہِ وَاٰلِہٖ وَسَلَّمَ کی خدمت میں گزارتا تھا۔ ایک رات میں آپ صَلَّی اللہُ عَلَیْہِ وَاٰلِہٖ وَسَلَّمَ کے پاس وُضوکا پانی اور دیگر ضرورت کی چیزیں لے کر حاضر ہوا تو تاجدارِ دوعالم ،  محبوبِ رب اعظم صَلَّی اللہُ عَلَیْہِ وَاٰلِہٖ وَسَلَّمَ نے ارشاد فرمایا : سَلْ! یعنی مانگ کیا مانگتا ہے؟ میں نے عرض کی : اَسْئَلُکَ مُرَافَقَتَکَ فِی الْجَنَّۃ یعنی سرکار صَلَّی اللہُ عَلَیْہِ وَاٰلِہٖ وَسَلَّمَ