Ikhtiarat E Mustafa

Al Quran Books Madani Channel

Magazine Courses Media

صَلُّو ا عَلَی الْحَبِیْب ! صَلَّی اللہُ عَلٰی مُحَمَّد

اشعار کی مختصر وضاحت : یا رسول اللہ صَلَّی اللہُ عَلَیْہِ وَاٰلِہٖ وَسَلَّمَ آپ کی ذات بے مثل و بے مثال ہے ایسی بےمثال کہ آپ جیسا کوئی اور ملتا ہی نہیں اور آپ کے حسن و انوار کو چاند سورج ڈھونڈتے پھر رہے ہیں لیکن ان کو آپ کی حقیقت کاپتانہیں مل رہا۔

جو چاہو مانگ لو!

سُبْحٰنَ اللہ! سُبْحٰنَ اللہ! سُبْحٰنَ اللہ! اِس حدیثِ مبارَک نے تو ایمان ہی تازہ کردیا ۔ حضرت سَیِّدُنا شیخ عبد الحق محدث دِہلوی رَحْمَۃُ اللہِ عَلَیْہِ فرماتے ہیں : سرکارِ مدینہ صَلَّی اللہُ عَلَیْہِ وَاٰلِہٖ وَسَلَّمَ کا بلاکسی قید اور کسی چیز کو خاص کیے بغیر مُطْلَقًا فرمانا : سَلْ؟ یعنی مانگ کیا مانگتا ہے؟اِس بات کو ظاہِر کرتا ہے کہ سارے ہی مُعاملات سرورِ کائنات ، شاہِ موجودات صَلَّی اللہُ عَلَیْہِ وَاٰلِہٖ وَسَلَّمَ کے مبارَک ہاتھ میں ہیں ، جو چاہیں جس کو چاہیں جب چاہیں اپنے ربِّ کریم کے حکم سے عطا کردیں ۔ ^{^[1]}

رُسل اُنہِیں کا تو مُژدہ سنانے آئے ہیں اُنہِیں کے آنے کی خوشیاں منانے آئے ہیں

فرشتے آج جو دُھومیں مچانے آئے ہیں اُنہِیں کے آنے کی شادی رَچانے آئے ہیں

یہ سیدھا راستہ حق کا بتانے آئے ہیں یہ حق کے بندوں کو حق سے ملانے آئے ہیں

یہ بھولے بچھڑوں کو رَستے پہ لانے آئے ہیں یہ بھولے بھٹکوں کو ہادی بنانے آئے ہیں

اِنہیں خدا نے کیا اپنے مُلک کا مالک اِنہِیں کے قبضے میں رب کے خزانے آئے ہیں

[1] اَشِعَّۃُ اللَّمعات ج ۱ ص ۴۲۴ ، ۴۲۵ وغیرہ

Important

Mobile Apps

Contact Us