نیّتیں کر لیتے ہیں۔ فَرمانِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ : نِـيَّةُ الْمُؤمِنِ خَـیـْرٌ مِّـنْ عَمَلِهٖ۔ مُسَلمان کی نِیَّت اُس کے عَمَل سے بہتر ہے۔ ^[1]  

مسئلہ : جِتنی اَچّھی نیّتیں زِیادہ ، اُتنا ثواب بھی زِیادہ۔

بَیان سُننے کی نیّتیں

* اچھی اچھی نیّتوں کے ساتھ اوّل تا آخر بیان سنئے ، * پوری توجہ کے ساتھ بیان سننے کی نیّت کیجئے * ادب کے ساتھ بیٹھنے کی نیّت کیجئے *  اگر قلم (Pen / Pencil) ، ڈائری آپ کے پاس ہے تو اَہَمّ نکات نوٹ کرنے کی بھی نیّت کر لیجئے۔

پیارے اسلامی بھائیو! سب سے پہلے تو ہمیں اللہ پاک کا لاکھ لاکھ شکر ادا کرنا چاہیے کہ جس نے ہمیں ایک بار پھر بارہ (12)ربیعُ الاول  کی مُقدّس نورانی رات نصیب فرمائی۔ آج کی رات بڑی اہم رات ہے۔ یہ رات بڑی عظیمُ الشّان ہے۔ یہ رات بڑے فضائل و برکات والی مُقدّس رات ہے۔ * یہ وہ عظیم رات ہے جس کو کائنات کی سب سے زیادہ شان و شوکت والی ہستی سَیِّدُ الانبیا ، تاجدارِ دَوسَرا صَلَّی اللّٰہُ عَلَیْہِ واٰلِہٖ وَسَلَّمَ سے نسبت ہے۔ * یہ وہ عظیم رات ہے کہ جو شبِ قدر سے بھی افضل ہے۔ (ماثبت بالسنۃ ، ص۱۵۳) ، * یہ وہ عظیم رات ہے کہ جس میں حضرت آمِنہ رَضِیَ اللّٰہُ عَنْہا کے مکانِ رحمت سے ایسا نور چمکا جس نے سارے عالَم کو جگمگ جگمگ کر دیا۔ * یہ وہی عظیم رات ہےجس میں ہر طرف خوشیوں کا سماں چھا گیا ۔ * یہ وہی عظیم رات ہے جس میں ہر طرف شادمانیوں کے ترانے بجنے لگے۔ * یہی وہ عظیم رات ہے جس میں