کرتے تھے۔ تىس(30)  ہزار دىنار خرچ کرکے حَرَمَیْن شَرِىْفَیْن کے راستے دُرست کرواتے۔ ىہ صدقات اُن صدقات کے علاوہ تھے جنہىں پوشیدہ طور پر کىا جاتا تھا۔                                (سبل الہدی والرشاد ، ۱ / ۳۶۲ بتغیر قلیل)

صَلُّوْا عَلَی الْحَبِیْب!                                               صَلَّی اللّٰہُ عَلٰی مُحَمَّد

پیارے پیارے اسلامی بھائیو!آپ نے سُناکہ ہمارےبزرگانِ دین رَحْمَۃُ اللہِ عَلَیْہِمْ  اَجْمَعِیْن  اِس ماہِ مبارَک کابے حد ادب و احترام اور خوب صدقہ و خیرات کرتے ہیں۔ آئیے! میلادِ مُصْطَفٰے کی برکتوں پر مشتمل عُلَمائے کرام کے اِرشادات سُنتے ہیں ، چنانچہ

حضرت امام عبد ُ الرّ حمٰن ابنِ  جَوزی رَحْمَۃُ اللہِ  عَلَیْہ فرماتےہیں : جشن ِولادت پرخوشی کرنے والے کے لیےیہ خوشی دوزخ سے رُکاوٹ بنے گی۔ اے اُمَّت ِ محبوب!تمہارے لیے خوشخبری ہو!تم دنیا و آخرت میں بہت زیادہ بھلائی کے حق دارقرار پائے ۔ رسولِ کریم صَلَّی اللہُ عَلَیْہِ وَاٰلِہٖ وَسَلَّم  کا جشنِ ولادت منانے والے کوبرکت ، عزت ، بھلائی  اور فخرملے گا ، موتیوں کا عمامہ  اورہرے رنگ کا جنتی لباس پہن کروہ داخل ِ جنت ہوگا ، بے شمار محلات اُسے عطاکیے جائیں گے اورہر محل میں  حُور ہوگی۔ نبیِّ کریم صَلَّی اللہُ عَلَیْہِ وَاٰلِہٖ وَسَلَّم پر خوب دُرودپڑھئے اورجشنِ ولادت مناکراِسے خوب عام کیا جائے۔                                    (مجموع لطیف  النبی   … الخ ، مولد العروس ، ص۲۸۱ ، ملتقطاً)

جشنِ ولادت منانے کا ثواب

حضرت شیخ عبدُالحق مُحَدِّ ث دِہْلَوِی رَحْمَۃُ اللّٰہِ عَلَیْہ فرماتے ہیں : نبیِّ کریم صَلَّی اللّٰہُ عَلَیْہِ وَاٰلِہٖ وَسَلَّم کی ولادت کی رات خوشی منانے والوں کو اِس نیکی کا بدلہ یہ ملے گاکہ اللہ کریم اُنہیں فضل و کرم سے جَنَّتُ