مثال امیرِاہلسنت حضرت علامہ مولانا محمد الیاس عطّار قادِرِی دَامَتْ بَـرَکاتُہُمُ الْعَالِیَہ کی ذاتِ مُبارَکہ  بھی ہے۔ آپ دَامَتْ بَـرَکاتُہُمُ الْعَالِیَہ  بارہویں  شریف اور بالخصوص ہر پیر شریف کو روزہ رکھتے اور اپنے مُریدوں اور چاہنے والوں کوبھی ہرپیر شریف کاروزہ رکھنےکی بھر پورترغیب دلاتےہیں۔ لہٰذاہمیں چاہئےکہ یادِمصطفےمیں  نہ صِرْف خود بلکہ اپنے گھروالوں ، دوستوں اور رشتے داروں کوبھی بارہویں شریف کاروزہ رکھنے کی  دعوت دے کر ربِّ کریم کی اِس عظیم نعمت کا شکر ادا کریں  اور بارگاہِ مصطفےمیں ثواب پیش کرکے دنیاو آخرت کی برکتوں کے حق داربنیں ۔

 صَلُّوْا عَلَی الْحَبِیْب!                                              صَلَّی اللّٰہُ عَلٰی مُحَمَّد

کثرت سے ذکرِ حبیب کیجئے

               پیارے پیارےاسلامی بھائیو! اللہ پاک کےآخری نبی ، نبیِّ مُکَرَّم ، محمدِ مُصْطَفٰے  صَلَّی اللّٰہُ عَلَیْہِ واٰلِہٖ وَسَلَّم کی محبت ہمارے ایمان کی بنیاد ہے اور محبت کی ایک نشانی یہ ہے کہ محبوب کا کثرت سے ذِکْر کیا جائے۔ ایک  روایت میں ہے : “ مَنْ اَحَبَّ شَیْئًا اَکْثَرَ مِنْ ذِکْرِہٖ “ یعنی جو کسی سےمحبت کرتاہے اُس کا کثرت سےذکرکرتا ہے۔

( جامع صغیر ، ص۵۰۷ ، حدیث : ۸۳۱۲)

                                                یوں تو  ہمیں سارا سال ہی آقا کریم صَلَّی اللّٰہُ عَلَیْہِ واٰلِہٖ وَسَلَّم کاذِکْرِخیر کرنا اور اپنی بول چال اور کردار کے ذریعےآپ صَلَّی اللّٰہُ عَلَیْہِ واٰلِہٖ وَسَلَّم سےمحبت کا اِظہار کرنا  چاہئے ، لیکن بالخصوص  یہ سلسلہ رَبِیْعُ الْاَوَّل کے مُقَدّس دنوں میں مزید بڑھ جانا چاہئے ۔ اِس ذِکْر کا ایک بہترین ذریعہ نبیِّ اکرم  صَلَّی اللّٰہُ عَلَیْہِ واٰلِہٖ وَسَلَّم پر دُرودِ پاک پڑھنا بھی ہے۔ کیونکہ دُرودِپاک پڑھنے کےبے شمار فضائل وبرکات ہیں ، مثلاً