Ala Hazrat Ki Shayeri Aur Ishq e Rasool

Al Quran Books Madani Channel

Magazine Courses Media

(حدائقِ بخشش ، ص۱۳۶)

یعنی اے تاجدارو! اے بادشاہو! سارا جہاں جسے سورج کی ٹکیا کہتا ہے ، لوگ جسے آفتاب کہہ کر پکارتے ہیں ، جسے سورج کا نام دیا جاتا ہے۔ یہی سورج اوریہی آفتاب ، اللہ پاک کےآخری نبی صَلَّی اللّٰہُ عَلَیْہِ واٰلِہٖ وَسَلَّمَ کے دستر خوان کی جَلی ہوئی روٹی ہے ، ذرا سوچو! جس کریم آقا ، مدینے والے مصطفے صَلَّی اللّٰہُ عَلَیْہِ واٰلِہٖ وَسَلَّمَ کے دسترخوان کی جَلی ہوئی روٹی سے کائنات کا گزارہ ہو رہا ہے تو اُن کے دستر خوان کی وہ روٹیاں جو جلن سے محفوظ ہیں ، اُن کا کیا حال ہوگا۔ جس محبوب عَلَیْہِ الصَّلٰوۃُ وَالسَّلَام کی جَلی ہوئی روٹی یعنی سورج کی طرف دیکھنے سے آنکھیں جھپک جاتی ہیں ، اُس کے اپنے چہرۂ مبارک کے اَنوار کا عالَم کیا ہوگا؟

کسی شاعر نے کیا ہی خوب کہا ہے :

قدموں میں جبیں کو رہنے دو چہرے کا تصوّر مشکل ہے

جب چاند سے بڑھ کر ایڑی ہے تو رُخسار کا عالَم کیا ہوگا

صَلُّو ْا عَلَی الْحَبِیْب! صَلَّی اللہُ عَلٰی مُحَمَّد

چاند اور تَخَیُّلاتِ رضا

پىارے پىارے اسلامى بھائىو!ہم اعلیٰ حضرت رَحْمَۃُ اللہِ عَلَیْہ کی شاعری اور عشقِ رسول کے بارے میں سُن رہے تھے۔ چاند کا ذِکْر شعر و شاعری میں جگہ جگہ ملتا ہے۔ محبوب کے حُسن و جمال کو ، محبوب کی خوبصورتی کو ، محبوب کی دلکشی کو اورمحبوب کی رنگت کو چاند سے تشبیہ دینا اُردو شاعری میں بہت عام ہے۔ مگر جس طرح سرکارِ اعلیٰ حضرت رَحْمَۃُ اللہِ عَلَیْہ نے چاند کو نعتِ محبوب کے لیے استعمال کیا ہے وہ اپنی مثال آپ ہے۔ آئیے! اِس کی چند مثالیں سُنتے ہیں :

Important

Mobile Apps

Contact Us