اَلْحَمْدُ لِلّٰہ! راہِ خدا میں سفرکرنے والے قافِلوں میں سفر کی بَرَکت سے نہ جانے کتنے لوگوں کی زندگیوں میں انقلاب آچکا ہے۔ *  نیک لوگوں کی صحبت ملتی ہے۔ *  مسجد میں نفلی اِعتکاف کرنے کی سعادت مل سکتی  ہے۔ * بے نمازیوں کو نمازوں کی اَہمیت معلوم ہو سکتی  ہے۔ * بہت سے دینی مسائل سیکھنے کی سعادت ملتی ہے۔ * مسجدوں میں ذِکْر و اَذکار ، دَرْس و بَیانات کا سِلْسِلہ جاری رہتا ہے۔ * مسجدیں آباد ہوتی ہیں۔ * مساجدکو آباد کرنے کی تو کیا ہی بات ہے!حدیثِ پاک میں ہے : جب کوئی بندہ ذِکْر ونماز کے لئے مسجد کو ٹھکانا بنالیتا ہے تو اللہ پاک اُس سے ایسے خوش ہوتا ہے ، جیسے لوگ اپنے گمشدہ شخص کی اپنے ہاں آمد پر خوش ہوتے ہیں۔

(ابن ماجہ ، کتا ب المساجد … الخ ، با ب لزوم المساجد … الخ ، ۱ / ۴۳۸ ، حدیث : ۸۰۰)

                             آئیے!بطورِ ترغیب قافِلے کا ایک واقعہ سُنتے ہیں ، چنانچہ

قافلے کی برکت سے روزگار مل گیا

پاکستان کے رہائشی  ایک اسلامی بھائی کافی عرصہ سے روز گار کے سلسلے میں پریشان تھے۔ کئی جگہوں پر انٹرویو بھی دئیے مگر کوئی جواب نہ آیا۔ اِسی دوران خوش قسمتی سے اُن کی ملاقات دعوتِ اسلامی سے وابستہ ایک اسلامی بھائی سے ہو گئی ، اُنہوں نے تسلی دیتے ہوئے کہا : پیارے بھائی گھبرانے کی کوئی بات نہیں! آپ دعوتِ اسلامی کے قافلے میں سفر کر کے وہاں بیروزگاری سے نجات کی دعا کیجئے ، اِنْ شَآءَ اللہ کرم ہو گا۔  کچھ ہی دنوں میں ایک کمپنی میں اُن کا انٹرویو تھا ، اُنہوں نے اِرادہ کرلیا کہ انٹرویو کے بعد 3 دن کے قافلے میں سفر کریں گے۔ انٹرویو کے بعد وہ قافلے کے مسافر بن گئے ۔ ابھی دوسراہی دن تھا کہ اُنہیں خبر ملی “ آپ انٹرویو میں کامیاب ہو چکے ہیں “ ، چنانچہ قافلے سے واپسی