په يو بل روايت كښے دي چه نبي اكرم صَلَّى اللهُ عَلَيْهِ وَاٰلِهٖ وَسَلَّم اِرشاد فرمائي: چه كله مړي سره راغلي خلق بيرته روان شي نو مړے كښيني او د هغوئي د قدمونو آواز اوري او د قَبْر نه مخكښے هيڅ څوك هُم هغه سره خبرے نه كوي، قَبْر وائي چه: اے انسانه! آيا تا زما حالات نه وو اوريدلي؟ آيا زما د تنګي، بدبوئي، ويرے او چينجو نه ته چا نه وي يَروَلے؟ كه داسے وه نو بيا تا څه تياري كړي وه؟

(شرح الصدور ،  باب مخاطبۃ القبر للمیت ، ص ۱۱۴)

      حضرت عَلّامه جلالُ الدِّين سُيُوطِى شافِعى رَحْمَةُ اللهِ تَعَالٰی عَلَيْه فرمائي، چه د حضرتِ سَيِّدُنا عُبيد بِن عُمير رَضِىَ اللهُ تَعَالٰی عَـنْهُ نه روايت دے: قبر مَړي ته وائي كه ته په خپل ژوند كښے د الـلّٰـه عَزَّوَجَلَّ فرمانبرداره وے نو نن به زه په تا رَحم كووم او كه ته په خپل ژوند كښے د الـلّٰـه تَعَالٰى  نافرمانه وے نو زه ستا د پاره عذاب يم، زه هغه كور يم چه څوك نيك او اِطاعت ګزاره [وي او] په ما كښے را داخِل شي نو هغه به زما نه خوشحاله اوځي او څوك چه نافرمانه او ګنهګار وي، هغه به زما نه برباد شوے اوځي.  (شَرحُ الصُّدور ص ١١٤  ،  اهوالُ القَبور لاِبنِ رجب ص ٢٧  ،  دارالغد الجديد مصر)

      اے عاشقانِ رَسُول! سوچ خو اوكړئ چه كله زمونږه خپل خپلوان بيرته لاړ شي او مونږه په قبر كښے يواځے پاتے شو، سخته ويره به وي، نه به ترينه وتلے شو او نه به چا ته آواز كولے شو نو دغه وخت كښے چه د قَبْر سخت آواز واورو نو څه به راباندے تيريږي.

                                                                                                                                                                                                                                                                                                                              قبر   روزانہ   یہ کرتی   ہے   پکار                                                                            مجھ  میں  ہیں کیڑے مکوڑے بےشمار