Book Name:Rajab Ka Mahena Kesy Guzarain
الْمُرَجَّب (د عبادت) د تُخم كَرَلو مياشت ده، شَعْبانُ الْمُعَظَّم د اُوبه خوَر (يعني د اوبو وركولو يعني په اوښكو باندے سيراب كولو) مياشت ده او رَمَضانُ الْمُبارَك د (رحمت) د فَصل پريك كولو مياشت ده. ([1]) په لَطائفُ الْمَعارِف كښے دي چه: د رجب مياشت د هوا په شان، د شَعبان مياشت د وريځو په شان او د رَمَضان مياشت د باران په شان ده. يو بُزرګ فرمائي: كال د ونے په شان دے، په رَجَبُ الْمُرَجَّب كښے پانړے نيسي، په شَعْبانُ الْمُعَظَّمكښے خاخونه كوي او په رَمَضانُ الْمُبارَك كښے ترينه ميوه شوكولےكيږي يعني مسلمانان د دے نه ميوه شوكوي.
د دے نه پس هغوئي د فِكرِ آخرت كولو د ذِهن جوړولو د پاره ارشاد فرمائي: چا چه په ګناهونو خپله اعمال نامه توره كړي وي هغه دِ په دے مياشت كښے توبه اوكړي او خپله اعمال نامه دِ روښانه كړي، چا چه په فضولو څيزونو كښے خپل عُمر برباد كړے وي هغه دِ پاتے عمر غنيمت اوګنړي. ([2])
د رجب په مياشت كښے ډير عبادت كولو والؤ باندے د الله پاك څنګه فضل و كرم كيږي د دے اندازه د دے حكايت نه لګولے شئ چنانچه
په بَيْتُ المُقَدَّس كښے به يوے زنانه د رَجَبُ الْمُرَجَّب په هره ورځ كښے دولس زره ځله سُوْرَۀ اِخلاص (قُلْ ھُوَ اللهُ اَحَد پوره سورت) لوستلو او په دے پوره مياشت كښے به ئے د وړئ جامے اغوستلي. يو ځل هغه بيماره شوه هغے خپل ځوئ ته وصيت اوكړو چه ما به هم دے د وړئ په جامو كښے خخه كړے. چه كله وفات شوه نو د هغے ځوئ هغے ته د ښه رَخت [يعني ښو كپړو] كفن ورواغستو، د شپے ئے په خوب كښے خپله مور اوليدله، هغه ورته وائي: زه ستا نه خوشحاله نه يم ځكه چه تا زما په وصيت عمل نه دے كړے. هغه اويَريدو او راپاڅيدو، د خپلے