Book Name:Khud Kushi Kay Asbab
صَلُّو ْا عَلَی الْحَبِیْب! صَلَّی اللہُ عَلٰی مُحَمَّد
پىارے پىارے اسلامى بھائىو! خود کُشی کا ایک بَہُت بڑا سبب گھریلو ناچاقیاں بھی ہیں۔یاد رکھئے!گھریلو ناچاقی بہت تباہ کن مرض ہے!لہٰذا بھلائی اِسی میں ہے کہ انسان لڑائی جھگڑوں کے نُقصانات کو اپنے پیشِ نظر رکھے اور لڑنے جھگڑنے سے بچتا رہے۔بالفرض اگرکوئی بِلاوَجہ ہم سےجھگڑے بھی تو ہمیں چاہئےکہ ہم اپنے غُصّے پر کنٹرول کرتے ہوئےحق پر ہونے کے باوُجُودجھگڑے سےدُور رہیں۔کیونکہجو خوش نصیب حق پر ہونے کے باوُجُودجھگڑانہیں کرتا،اِنْ شَآءَ اللہ اُس کا بیڑاپار ہے، چُنانچِہ
نبیِّ اکرم صَلَّی اللّٰہُ عَلَیْہِ واٰلِہٖ وَسَلَّمَ کافرمانِ جنّت نشان ہے:جو حق پر ہونے کے باوُجُود جھگڑا نہیں کرتا، میں اُس کےلئےجنّت کے کَنارےمیں ایک گھر کاضامِن ہوں۔( ابوداود،باب في حسن الخلق،۴/ ۳۳۲ حدیث: ۴۸۰۰)ایک اور مقام پرفرمایا:بندہ اِیمان کی حقیقت میں اُس وَقْت تک کَمال کو نہیں پہنچ سکتا، جب تک کہ وہ حق پر ہونے کے باوُجود جھگڑا نہ چھوڑدے ۔(موسوعة ابن ابی الدنیا، کتاب الصمت ،۷/ ۱۰۱، حدیث : ۱۳۹)
صَلُّوْا عَلَی الْحَبِیْب! صَلَّی اللّٰہُ عَلٰی مُحَمّد
پىارے پىارے اسلامى بھائىو!شیطان مردودنے ہمیں سرکارِ مدینہ،راحتِ قلب و سِینہ صَلَّی اللّٰہُ عَلَیْہِ واٰلِہٖ وَسَلَّمَ کی سُنّتوں سے دُور کرکے ہمار ے گھروں کا سکون برباد کردیا ہے،ہمارا نظامِ زندگی بگڑ کر رَہ گیا ہے،گھریلوزندگی کی اسلامی واَخلاقی قدریں پامال ہوگئیں ، علمِ دِین سے دُوری اور سنّت کے مطابِق اَخلاقی تربیت نہ ہونے کی نُحُوست کے باعث گھر کے اکثر افراد ایک دوسرے سے نفرت