صَلُّوْا عَلَی الْحَبِیْب!                                           صَلَّی اللّٰہُ تَعَالٰی عَلٰی مُحَمَّد

پیارے پیارے اسلامی بھائیو!آئیے!اللہ پاک کی رضا پانے اور ثواب کمانے کے لئے پہلے اَچّھی اَچّھی نیّتیں کر لیتے ہیں۔فَرمانِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ ’’نِیَّۃُ الْمُؤمِنِ خَیْرٌ مِّنْ عَمَلِہٖ‘‘ مسلمان کی نِیَّت اُس کے عمل سے بہتر ہے۔ ^([1])

اہم نکتہ:نیک اورجائز کام میں جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں

٭علم دین حاصل کرنےکےلیےنگاہیں نیچی کئے توجہ سے بَیان سُنُوں گا۔٭ عِلْمِ دِیْن کی تَعْظِیم کے لیے جب تک ہو سکا دو زانو بیٹھوں گا۔٭صَلُّوْا عَلَی الْحَبِیْبِ،اُذْکُرُوااللّٰـہ،تُوبُوْا اِلَی اللّٰـہ وغیرہ سُن  کر ثواب کمانے کےلئے بُلند آواز سے جواب دوں گا۔٭اجتماع کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

      پیارے پیارے اسلامی بھائیو!آج کے ہمارےبیان کا موضوع ہے”خود کُشی کے اسباب“۔ خود کشی کے بنیادی طور پر چار(4) اسباب ہیں:(1)دِین سے دُوری، (2)مُعاشی پریشانیاں، (3)مایُوسی اور(4) گھریلو ناچاقیاں۔ آج ہم انہی 4 موضوعات کے بارے میں سنیں گے۔ ان اسباب کے کیا علاج ہیں؟ یہ بھی سنیں گے۔پورابیان اچھی اچھی نیّتوں کے ساتھ  سنیئے،اِنْ شَآءَ اللہ ڈھیروں معلومات حاصل ہوں گی۔