Moashary Ki Rasumaat

Al Quran Books Madani Channel

Magazine Courses Media

شریعت کے مقابلے میں باپ دادا کی پیروی کرنا کیسا؟

(یاد رکھئے!)شریعت کے مقابلہ میں گمراہ باپ دادا کی پیروی کرنا حرام ہے۔ یونہی گناہ کے کاموں میں باپ دادا کی پیروی ناجائز ہے کہ بحکمِ حدیث اللہکریم کی نافرمانی کے کام میں کسی کی اطاعت نہیں کی جاسکتی۔(مسلم، کتاب الامارۃ،باب وجوب طاعۃ الامراء۔۔۔الخ،ص۷۸۹، حدیث ۴۷۶۵)

ہمارے ہاں شادی مرگ اوردیگرکئی مواقع پر شریعت پر چلنے کاکہا جائے تو لوگ آگے سے یہی باپ دادا،خاندان اور برادری کے رسم و رواج کا عذر پیش کرتےہیں یہ بھی سراسر غلط و باطل ہے۔ خلاصَۂ کلام یہ ہےکہ بُروں کی پیروی بُری ہے اور اچھوں کی پیروی اچھی جیسے ہم صحابہ(عَلَیْہِمُ الرِّضْوَان )،تابعین،ائمہ مجتہدین، اولیاء و صالحین(رَحْمَۃُ اللّٰہ ِتَعَالٰی عَلَیْہم اجمعین)کی پیروی کرتی ہیں تو یہ بہت اچھی ہے کہ اس کا حکم خود قرآن نے دیا ہے چنانچہ فرمایا:

وَ كُوْنُوْا مَعَ الصّٰدِقِیْنَ(۱۱۹) (پ۱۱،التوبہ:۱۱۹)

تَرْجَمَۂ کنز الایمان :اور سچوں کے ساتھ ہو۔

ہر نماز میں بزرگوں کی پیروی کی دعا مانگنے کا فرمایا ،چنانچہ فرمایا:

صِرَاطَ الَّذِیْنَ اَنْعَمْتَ عَلَیْهِمْ ﴰ (پ۱،الفاتحہ: ۷) تَرْجَمَۂ کنز الایمان:راستہ اُن کا جن پر تُو نے اِحسان کیا۔

اللہکریم ہمیں اچھوں کی پیروی کرنے اور بُروں کی پیروی سے بچنےکی توفیق عطا فرمائے۔(صراط الجنان،۱/۲۷۱ملتقطاً)

صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد

میٹھی میٹھی اسلامی بہنو! صفر المظفر کا مبارک مہیناہمارے درمیان اپنی برکتیں لُٹا رہا ہے۔

Important

Mobile Apps

Contact Us