آئی ہے آپ  بھی سماعت فرمالیجئے ۔ چنانچہ

ایک بار حضورِ اَقْدَس صَلَّی اللّٰہُ تَعَالٰی عَلَیْہِ واٰلہٖ وسلَّم نے حضرت بلال رَضِیَ اللّٰہُ تَعَالٰی عَنْہ ُ  سے ارشاد فرمایا: ” اے بلال ! کیا سبب ہے کہ میں جنّت میں تشریف لے گیا تو تم کو آگے آگے جاتے دیکھا ۔“ عرض کی: یارسولُ الله صَلَّی اللّٰہُ تَعَالٰی عَلَیْہِ واٰلہٖ وسلَّم میں جب وُضو کرتا ہوں، دورکعت نفل پڑھ لیتا ہوں۔ فرمایا: یہ ہی سبب ہے !(صحیح البخاری، کتاب التھجد، باب فضل الطہور…الخ ، الحدیث ۱۱۴۹، ج۱،ص۳۹۰، ملخصاً)

اس روایت سے معلوم ہوا کہ ” تَحِیَّۃُ الْوُضُو “ادا کرنے کی بہت بڑی فضیلت ہے، امیرِ اہلسنّت،بانیِ دعوتِ اسلامی دامت برکاتہم العالیہ 72مدنی انعامات میں سے مدنی انعام نمبر20میں اس فضیلت کوپانے کےلیے اِرشاد فرماتے ہیں"کیا آج آپ نے کم از کم ایک ایک بار تَحِیَّۃُ الوُضو اور تَحِیَّۃُ المَسجِد ادا فرمائی؟"

 آپ بھی نیت کرلیجئے کہ جب بھی وضو کریں اگر مکروہ وقت نہ ہو تو دورکعت نماز”تَحِیَّۃُ الْوُضُو“ ادا کرلیں اِنْ شَآءَ اللہعَزَّ  وَجَلَّاجر و ثواب کا خزانہ ہاتھ آئے گا۔ 

ہو کرم! حُسنِ عمل آہ! نہیں ہے کوئی            نہ وظائف ہیں نہ اَذکار ہیں غوثِ اعظم

حشر کے روز ہماری بھی شَفاعت کرنا              آہ! ہم سخت گنہگار ہیں غوثِ اعظم

(وسائلِ بخشش ص ۵۶۱)

صَلُّوا عَلَی الْحَبیب!                                            صَلَّی اللّٰہُ تَعَالٰی عَلٰی مُحَمَّد

پندرہ سال تک ہررات میں ختمِ قرآن ِمجید:

بہر حال حضور غوثِ پاک رَحْمَۃُ اللّٰہ ِتَعَالٰی عَلَیْہ بہت زیادہ عبادت و ریاضت اور قرآن مجید کی تلاوت کیا کرتے تھے ۔  چنانچہ منقول ہے کہ حضور غَوْثُ الثَّـقَلَیْـن رَحْمَۃُ اللّٰہ ِتَعَالٰی عَلَیْہ  پندرہ سال تک رات بھر