امیرِ اہلِ سنّت دَامَتْ بَرَکَاتُہُمُ الْعَالِیَہ کے بعض صوتی پیغامات

شادی مدنی کام میں رکاوٹ نہ بنے!

نَحْمَدُہٗ وَنُصَلِّیْ وَنُسَلِّمُ عَلٰی رَسُوْلِہِ النَّبِیِّ الْکَرِیْم

سگِ مدینہ محمد الیاس عطّاؔر قادری رضوی عُفِیَ عَنْہُ کی جانب سے مبلّغِ دعوتِ اسلامی عمران عطّاری!

اَلسَّلَامُ عَلَیْکُمْ وَرَحْمَۃُ اللّٰہِ وَبَرَکَاتُہٗ

مَا شَآءَ اللّٰہ! حاجى امىن نے آپ کى شادى خانہ آبادى کى خوشخبرى دى، مرحبا! اللہ پاک آپ کا گھر آباد کرے، نىک اولاد سے آپ کے گھر کو اللہ کرىم باغ باغ بلکہ باغِ مدىنہ بنادے اور آپ کى آنکھىں نیک اولاد سے ٹھنڈى ہوں۔ میں آپ کو بہت بہت مبارَک باد پىش کرتا ہوں اور حدیثِ پاک میں وارد دُعا سنّت کی نیّت سے سُناتا ہوں: بَارَكَ اللهُ لَكَ وَبَارَكَ عَلَيْكَ وَجَمَعَ بَيْنَكُمَا فِي خَيْرٍ ىعنى اللہ پاک تمہیں مبارَک کرے، برکت دے اور تم دونوں کو بھلائى مىں جمع رکھے۔(ابو داؤد،ج 2،ص351، حدیث:2130ملتقطاً)KPK مىں مدنى کاموں کى دھومىں مچاتے رہئے، ىہ شادى آپ کے مدنى کام مىں رکاوٹ نہ بنے، خىال رکھئے گا! مدنى کام بڑھنا چاہئے گھٹنا نہىں، اپنى ڈکشنرى سے ”پىچھے ہٹنا“ نکال دىں، آگے بڑھے چلىں۔”المدىنہ چل مدىنہ، کل نہىں بس آج مدىنہ! اِنْ شَآءَ اللہ عَزَّوَجَل“ بے حساب مغفِرت کى دُعا کا ملتجى ہوں۔ مىں شادى کا تحفہ آپ کو کیسے دوں؟ میری تو آپ تک ابھی رسائی بھی نہیں ہے۔ چلو! اىک بار دُرود شرىف پڑھ کر آپ دونوں کو اس کا ثواب بطورِ تحفہ پىش کرتا ہوں۔

صَلُّوْا عَلَی الْحَبِیْب!                 صلَّی اللہُ تعالٰی علٰی محمَّد

جامعۃُ المدینہ ہند کے بیمار طلبۂ کرام کی دلجوئی

نَحْمَدُہٗ وَنُصَلِّیْ وَنُسَلِّمُ عَلٰی رَسُوْلِہِ النَّبِیِّ الْکَرِیْم

سگِ مدینہ محمد الیاس عطّاؔر قادری رضوی عُفِیَ عَنْہُ کی جانب سے مبلّغِِ دعوتِ اسلامی، مرکزی مجلسِ شوریٰ کے رکن الحاج اسد عطّاری مدنی!         اَلسَّلَامُ عَلَیْکُمْ وَرَحْمَۃُ اللّٰہِ وَبَرَکَاتُہٗ

شوریٰ کے نگران حاجی عمران عطاری نے آپ کے حوالے سے ایک تحرىرى پىغام بھىجا جس مىں جامعۃُ المدینہ فیضانِ نوری آکولہ ہند کے تقرىباً سترہ (17) طلبۂ کرام کے شدىد بُخار مىں مبتلا ہونے اور بعض کے اسپتال میں داخل ہونے کى خبر ہے۔ اے اللہ! پىارے حبىب صلَّی اللہ تعالٰی علیہ واٰلہٖ وسلَّم کے صدقے مىرے ان مدنى بىٹوں کو شفائے کامِلہ، عاجِلہ، نافِعہ عطا فرما، یااللہ! ان کى بىمارىاں دُور کرکے ان سب کو بىمارِ مدىنہ بنا دے، ان سب کا بُخار دُور ہو، سب مدىنے کے بىمار بنیں، دَرد دُور ہو، دَردِ مدىنہ سے مُشَرَّف ہوں، سب عالمِ باعمل، مفتىِ اسلام، دعوتِ اسلامى کے باعمل مبلّغ بنىں اور سب کو صبر و اجر  عطا ہو۔ اٰمین

ىہ تِرا جسم جو بىمار ہے تشوىش نہ کر

ىہ مَرَض تىرے گناہوں کو مِٹا جاتا ہے

اَصْل برباد کُن اَمراض گناہوں کے ہىں

بھائى کىوں اِس کو فراموش کىا جاتا ہے

                                (وسائلِ بخشش (مرمم)، ص432)

مىرے لئے سب بے حساب مغفِرت کى دُعا فرمائىے گا۔

صَلُّوْا عَلَی الْحَبِیْب!                    صلَّی اللہُ تعالٰی علٰی محمَّد

Share

Articles

Comments


Security Code