DONATE NOW donation

Home Al-Quran Surah Al Alaq Ayat 11 Translation Tafseer

رکوعاتہا 1
سورۃ ﴤ
اٰیاتہا 19

Tarteeb e Nuzool:(1) Tarteeb e Tilawat:(96) Mushtamil e Para:(30) Total Aayaat:(19)
Total Ruku:(1) Total Words:(76) Total Letters:(288)
11-12

اَرَءَیْتَ اِنْ كَانَ عَلَى الْهُدٰۤىۙ(۱۱)اَوْ اَمَرَ بِالتَّقْوٰىؕ(۱۲)
ترجمہ: کنزالعرفان
بھلا دیکھو تو اگر وہ ہدایت پر ہوتا ۔یا پرہیزگاری کا حکم دیتا (تو کیا ہی اچھا تھا)۔


تفسیر: ‎صراط الجنان

{اَرَءَیْتَ اِنْ كَانَ عَلَى الْهُدٰى: بھلا دیکھو تو اگر وہ ہدایت پر ہوتا۔} اس آیت اور اس کے بعد والی آیت کاخلاصہ یہ ہے کہ اے حبیب ! صَلَّی اللّٰہُ تَعَالٰی عَلَیْہِ وَاٰلِہ وَ سَلَّمَ ،ذرادیکھو تو اگر نماز سے روکنے والا وہ کافر ہدایت پر ہوتا اور دوسروں  کوپرہیزگاری کا حکم دیتا تووہ کتنے بلند مَراتب حاصل کرتا۔ (تفسیر کبیر، العلق، تحت الآیۃ: ۱۱-۱۲، ۱۱ / ۲۲۲)اگر ابو جہل ایمان قبول کر لیتا تو اسے یہ مراتب ملتے کہ وہ مومن ہوتا، پھر حضورِ اَقدس صَلَّی اللّٰہُ تَعَالٰی عَلَیْہِ وَاٰلِہ وَ سَلَّمَ کے دیدارسے صحابی بن جاتا، حضور پُرنور صَلَّی اللّٰہُ تَعَالٰی عَلَیْہِ وَاٰلِہ وَ سَلَّمَ کا عزیز ہو کر اللّٰہ تعالیٰ کا پیارا بن جاتا،بیتُ اللّٰہ شریف میں  رہتا تھا اس لئے ایک نیکی کا ثواب ایک لاکھ پاتا، وہ قوم کا سردار تھا اوراس کی وجہ سے اس کے ماتحت لوگ بھی ایمان لے آتے تو ان سب کا ثواب بھی اسے ملتا ۔

سورہِ علق کی آیت نمبر11اور 12سے حاصل ہونے والی معلوماتـ:

             ان آیات سے 3 باتیں  معلوم ہوئیں

(1)… گزشتہ لوگوں  کی سر کشی میں  غور کرنے سے بھی ہدایت نصیب ہوتی ہے۔

(2)… نبی کریم صَلَّی اللّٰہُ تَعَالٰی عَلَیْہِ وَاٰلِہ وَ سَلَّمَ کے زمانہ والوں  کو ایمان کے ذریعہ جو درجے نصیب ہو سکتے تھے وہ بعد والوں  کے لئے ممکن نہیں ۔

(3)… بڑابد نصیب وہ ہے جسے اللّٰہ تعالیٰ اچھا موقعہ دے اور وہ اس سے فائدہ نہ اٹھائے۔

Reading Option

Ayat

Translation

Tafseer

Fonts Setting

Download Surah

Related Links