اور اِتْرا کر چلنے والوں کو پسند نہیں فرماتا۔^([1])

بد ترین شخص

حضرت حُذَیْفہ  رَضِیَ اللہ عنہ  فرماتے ہیں: ایک دِن ہم مَحْبوبِ ذیشان   صلی اللہ عَلَیْہِ وَ آلِہٖ وَسَلَّم   کے ساتھ ایک جنازے میں شریک تھے، آپ   صلی اللہ عَلَیْہِ وَ آلِہٖ وَسَلَّم   نے فرمایا: کیا میں تمہیں اللہ پاک کے بدترین بندے کے بارے میں نہ بتاؤں؟ فرمایا: وہ بداَخْلاق اور تکبّر کرنے والا ہے۔ پھر فرمایا: کیا میں تمہیں اللہ پاک کے بہترین بندے کے مُتَعلِّق  نہ بتاؤں۔ فرمایا: وہ کمزور سمجھا جانے والا، پُرانے لباس والا شخص ہے، اگر کسی بات پر قسم کھالے تو اللہ پاک اُس کی قسم پُوری فرما دیتا ہے۔ ^([2])

جنّت میں داخِل نہ ہوسکے گا

حدیثِ پاک میں ارشاد ہوا؛ جس کے دل میں رائی کے دانے جتنا(یعنی تھوڑا سا)بھی تَکَبُّر ہو گا وہ جنّت میں داخل نہ ہوگا۔^([3])

سالارِ لشکر کونصیحت

 حضرت مُطَرِّف بن عبداللہ  رحمۃُ اللہ علیہ  نے ایک لشکر کے سپہ سالار مُہَلَّب کو اَکَڑ کر چلتے ہوئے دیکھا تو فرمایا: اے اللہ کے بندے! اللہ اور اُس کے رسول کو یہ چال پسند نہیں۔اُس نے جواباً کہا:کیا تم مجھے پہچانتے نہیں کہ میں کون ہوں! فرمایا:کیوں نہیں، میں