بھی دل میں تکبّر محسوس ہو تو اَعُوْذُ بِاللہ مِنَ الشَّیْطٰنِ الرَّجِیْم ایک بار پڑھنے کے بعد اُلٹے کندھے کی طرف 3 بار تُھوتُھو کردیجیے!^([1]) اِنْ شَآءَ اللہ الْکَرِیْم! تکبّر سے حفاظت رہے گی۔

(2):عہدے و منصب کی خواہش

پیارے اسلامی بھائیو! ان 4 برائیوں میں سے  دوسری برائی ہے: عہدے و منصب کی خواہش۔آج کل بہت سارے لوگ اپنی بلند پروازی یعنی مَنْصَبْ اور عُہدے کے پیچھے دوڑتے بھی نظر آتے ہیں،  اگر کسی کو کوئی بڑا عُہدہ یا مَنْصَبْ مل جائے تو اُسے بہت گھمنڈ ہونے لگتا ہے۔ ایسوں کو اُن لوگوں کے انجام سے عِبْرت حاصل کرنی چاہیے جن کی ہلاکت کا باعث اُن کا عہدہ اور مَنْصَبْ بنا۔

فرعون و نَمْرُود کا اَنجام

دیکھیے! فِرعون کو عُہدہ مِلا تو وہ پھول گیا اور خدائی کا دعویٰ کر بیٹھا،3سو سال تک عیاشی کرتا رہا لیکن آخر کار اُس کا انجام یہ ہوا کہ وہ دریائے نیل میں بڑی ذِلّت کے ساتھ ڈوب کر مَرا۔اِسی طرح جب نَمْرُوْد کو عہدہ ملا تو وہ بھی خُدا ہونے کا دعویٰ کر بیٹھا،بالآخر اُسے ایک مچھر کے ذریعے ہلاک کیا گیا۔^([2])

آخرت کس کے لیے ہے...!!

پارہ:20، سُورۂ قصص، آیت:83 میں اللہ پاک فرماتا ہے:

تِلْكَ الدَّارُ الْاٰخِرَةُ نَجْعَلُهَا لِلَّذِیْنَ لَا

تَرْجمۂ کَنْزُالعِرْفان:یہ آخرت کا گھر ہم اُن