ڈکیتی عام ہے، حِرْص و لالچ کے سبب سُودِی لَین دَین بھی ہوتا ہے، دھوکے بھی دئیے جاتے ہیں، اسی حِرْص کے سبب نمازیں بھی قضا کی جاتی ہیں *حبِّ جاہ یعنی شہرت و مَنْصَبْ کی خواہش کا عالَم یہ ہے کہ لوگ چند ہزار ویوز بڑھانے کی خاطِر، نایاب سیلفی لینے کے چکّر میں اپنی جان تک خطرے میں ڈال دیتے ہیں، کیا بچے، کیا بُوڑھے بلکہ اب تو گھروں کی خواتین تک بھی رِیلز (Reels)وغیرہ بنانے لگ گئی ہیں۔ اللہ پاک ہمارے حال پر رحم فرمائے، مُعَاشرے کی جو حالت ہوتی چلی جا رہی ہے، بس یہی دُعا کر سکتے ہیں:

اے خاصۂ خاصانِ رُسُل وقتِ دُعا ہے

اُمّت پہ تری آ کے عجب وقت پڑا ہے

فریاد ہے اے کشتی امت کے نگہباں

بیڑا یہ تباہی کے قریب آن لگا ہے

(1):تکبّر اللہ پاک کو پسند نہیں

پیارے اسلامی بھائیو!  وہ چار برائیاں جن کو ختم کر کے ہم اللہ پاک کا قرب پا سکتے ہیں، آخرت میں کامیاب ہو سکتے ہیں ۔ ان میں سے پہلے برائی ہے:تکبر۔ 

اللہ پاک فرماتا ہے:

اِنَّهٗ لَا یُحِبُّ الْمُسْتَكْبِرِیْنَ(۲۳) (پارہ:14،النحل:23)

تَرْجمۂ کَنْزُالعِرْفان:  بےشک وہ مغروروں کو پسند نہیں فرماتا۔

اللہ پاک پسند نہیں فرماتا

نبیوں کے نبی، رسولِ ہاشمی   صلی اللہ عَلَیْہِ وَ آلِہٖ وَسَلَّم   نے فرمایا: اللہ پاک تکبر کرنے والوں