تمہیں خوب پہچانتا ہو ں، تمہارا آغاز ایک ناپاک قطرے سے ہوا، اَنجام میں تم بدبودار مُردہ ہو جاؤ گے، اِن دونوں حالتوں کے درمیان تم پیٹ میں گندگی اُٹھائے پھرتے ہو۔ یہ سُن کر مُہَلَّب شرمندہ ہو کرچلا گیا۔^([1])

ہر ایک کے سَرمیں لَگام

ایک حدیث شریف میں ہے: ہر اِنسان کے سَر میں ایک لگام ہوتی ہے جو ایک فرشتے کے ہاتھ میں ہوتی ہے، جب بندہ تواضُع کرتا ہے تو اُس لَگام کے ذریعے اُسے بلندی عطاکی جاتی ہے اور فِرشتہ کہتاہے: بلند ہوجا! اللہ پاک تجھے بلند فرمائے۔ اگر وہ اپنے آپ کو (تکبُّر سے)خود ہی بلند کرتا ہے تووہ فِرشتہ اُسے زمین کی جانب نیچا کر کے کہتا ہے: نیچے ہو جا! اللہ تجھے پَست کرے۔^([2])

پیارے اسلامی بھائیو! مَعْلُوم ہوا؛ تکبّر انسان کو برباد کر دینے والی بیماری ہے۔ لہٰذا ہمیں چاہیے کہ اِس بُرےمرض سے خود کو بچا کر رکھیں۔

تکبر سے بچنے کے لیے

*تکبُّر کے نُقصانات پیشِ نظر رکھیے!  *عاجِزی اِختیار کر لیجیے! *سلام میں پہل کیجیے! حدیثِ پاک میں ہے: سلام میں پہل کرنے والا تکبُّر سے بَرِی ہے۔^([3]) *اپنا سامان خود اُٹھائیے! حدیثِ پاک میں ہے: جس نے اپنا سامان خود اُٹھا لیا وہ تَکَبُّر سے آزاد ہو گیا۔^([4]) *جب