اعتکاف بھی ہوتا ہے۔اس مرتبہ  پاکستان بھر میں 29 مقامات پر جبکہ دُنیا بھر میں 130 مقامات پر پورے ماہ کا اعتکاف ہو رہاہے ۔آپ بھی پورے ماہ کا اعتکاف کرنے کی سَعَادت پائیے!بلکہ عالمی مدنی مرکز فیضانِ مدینہ (کراچی) میں اعتکاف کیجیے! کہ وہاں شیخِ طریقت، امیر اہلسنّت مولانا محمد الیاس قادری دَامَت بَرَکاتہمُ الْعَالِیہ وقت کے ایک وَلِیِّ کامِل کے ساتھ اعتکاف کی سَعَادت ملے گی تو اس کی برکتیں ہی جُدا ہوں گی۔ اِنْ شَآءَ اللہ الْکَرِیْم! رمضان شریف میں گُنَاہوں سے بچنے، نیکیاں کرنے، نفل عبادات کا شوق بڑھنے کے ساتھ ساتھ بہت سارا عِلْمِ دین بھی سیکھنے کو ملے گا۔

دعوتِ اسلامی کے ایک شعبے کا تعارف:شعبہ کفن دفن

پیارے اسلامی بھائیو! اس وقت مسلمانوں کی حالت بڑی ہی عجیب و غریب ہے ۔علمِ دِین سے محرومی  کی وجہ سے اب یہ حالت ہو گئی ہے کہ اگر کسی گھر میں میّت ہو جائے تو گھر والے ہو ں یا باہر والے کوئی بھی میّت کو غسل دینے کے لیے تیار نہیں ہوتا  ۔حالانکہ اس کی بڑی ہی فضیلت ہےحدیثِ پاک میں آتا ہے: جو کسی میت کو نہلائے، کفن پہنائے، خوشبو لگائے، جنازہ اٹھائے، نماز پڑھے اور جو جسمانی عیب نظر آئے اُسے چھپائے ، وہ گناہوں سے ایسے ہی پاک ہو جاتا ہے جیسے پیدائش کے دن تھا۔ ^([1])

ایسے موقع پر غسل کے لیےبلائے جانے والے افراد  بھی عام طور پر سُنَّتوں اور آداب سے ناواقف ہوتے ہیں، جو بڑی بے دردی کے ساتھ میّت کو غسل دے کر چلتے بنتے ہیں۔آخری نبی، مکی مَدَنی  صَلَّی اللہ عَلَیْہِ وَ آلِہٖ وَ سَلَّم  کی دُکھاری امّت کی خیر خواہی کرتے ہوئے،