ڪاش! اسان کي به نصيحت ملي، اسان به عبرت وٺون، فڪرِ آخرت اپنايون، اسان جي زندگي جو هڪ ٻيو سال ختم ٿي ويو آهي، هن سال ۾ اسان پاڻ کي بدلائينداسين، پنهنجي اخلاقن، ڪردارن، عادتن ۾ تبديلي آڻينداسين، هن سال کي سٺي انداز ۾، گناهن کان بچندي، نيڪين ۾ گذارڻ جي ڪوشش ڪنداسين.

پنهنجو جائزو وٺي وٺو!

    جيئن ته نئون سال شروع ٿي ويو آهي، اسان کي گهرجي ته اسان پنهنجي پوئين سال جو جائزو وٺي وٺون *حساب لڳايو ته پوئين سال ڪيتريون نمازون قضا ٿيون، اڄ کان ئي انهن جي قضا به شروع ڪري ڏيو ۽ ان ڪوتاهي تي توبه به ڪري وٺو * گذريل سال رمضان ڪريم جا ڪيترا روزا رهجي ويا هئا، انهن جي به جلد از جلد قضا ڪري وٺو * پوئين سال تلاوت ۾ ڪيتري ڪمي رهي، هن سال ان کي پورو ڪيو وڃي *پوئين سال درودِ پاڪ پڙهڻ ۾ سستي رهي، هن سال ان سُستيءَ کي دور ڪيو وڃي *ڪهڙيون ڪهڙيون نيڪيون آهن، جيڪي مان پوئين سال نه ڪري سگهيس، هن سال اهي نيڪيون ڪرڻ جي ڪوشش تيز ڪئي وڃي. مطلب ته اسان کي پنهنجي پوئين سال جي ڪوتاهين ۽ محرومين جو حساب به لڳائڻو آهي ۽ اڄ کان ئي انهن جي ازالي جون ڪوششون شروع ڪري ڏيڻيون آهن.

نوان مقصد ٺاهيو، نئون جدول ٺاهيو، نوان مقصدَ سيٽ ڪريو ۽ هن سال کي پوئين سال کان بهتر بڻائڻ جي ڪوشش ۾ لڳي وڃو.

(2): ٻيو سبق: تذڪر

پيارا اسلامي ڀائرو! الله پاڪ وڌيڪ فرمايو:

لِّمَنْ اَرَادَ اَنْ یَّذَّكَّرَ (سيپارو: 19، الفرقان: 62)

ترجمو ڪنزُ العرفان: (هيءُ) ان جي لاءِ (نشاني) آهي جيڪو نصيحت حاصل ڪرڻ چاهي ٿو.