Book Name:Siddiq e Akbar رَضِیَ اللہُ تَعَالٰی عَنْہُ Ki Naseehatain
اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن
اَمَّا بَعْدُ! فَاَعُوْذُ بِاللہ مِنَ الشَّیْطٰنِ الرَّجِیْمِ بِسْمِ اللہ الرَّحْمٰنِ الرَّحِیْمِ
اَلصَّلٰوۃُ وَالسَّلَامُ عَلَیْکَ یَارَسُوْلَ اللہ وَعَلٰی آلِکَ وَاَصْحٰبِکَ یَاحَبِیْبَ اللہ
اَلصَّلٰوۃُ وَالسَّلَامُ عَلَیْکَ یَانَبِیَّ اللہ وَعَلٰی آلِکَ وَاَصْحٰبِکَ یَانُوْرَ اللہ
نَوَیْتُ سُنَّتَ الْاِعْتِکَاف (ترجمہ: میں نے سُنَّت اعتکاف کی نِیَّت کی)
مسلمانوں کے پہلے خلیفہ حضرت ابوبکر صِدِّیق رَضِیَ اللہ عنہ سے روایت ہے، رسولِ ذیشان، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم نے فرمایا: جو میری جانِب سے کوئی عِلْم (مثلاً حدیث شریف) لکھے، اُس کے ساتھ درودِ پاک بھی لکھے، جب تک وہ کتاب پڑھی جاتی رہے گی، لکھنے والے کو ثواب ملتا رہے گا۔ ([1])
نامِ حضرت پہ لاکھ بار درود بے عَدد اور بے شُمار درود
کون جانے درود کی قیمت ہے عجب دُرِّ شَاہوار درود
نَزْع میں، گَور میں، قیامت میں ہر جگہ یارِ غمگسار درود([2])
سُبْحٰنَ اللہ!پیارے اسلامی بھائیو! کتنی پیاری فضیلت ہے، جب بھی رسولِ اکرم، نورِ مُجَسَّم صَلَّی اللہ عَلَیْہِ وَ آلِہٖ وَ سَلَّم کا نامِ پاک کہیں لکھیں، ساتھ ہی درودِ پاک بھی لازمی لکھ دیا کریں، یہ گویا ہمارے لیے ثوابِ جارِیہ ہو جائے گا، جب تک ہمارا لکھا ہوا پڑھا جاتا رہے گا، ہمیں ثواب ملتا رہے گا۔