انسان جي ٻي حالت

 هي پهرين حالت هئي، هاڻي ٻي حالت بيان ڪئي وڃي ٿي، ارشاد ٿئي ٿو:

فَاَحْیَاكُمْۚ-

ترجمو ڪنزُ العرفان: پوءِ هن توهان کي پيدا ڪيو.

هي آهن خدا جا شانَ...!! توهان بي جان هيؤ، ان توهان کي جاندار بڻائي ڇڏيو، هڪ پاڻي جي قطري کي جيئرو جاڳندو، عقل و شڪل وارو، طاقت و قوت وارو انسان بڻائي ڇڏيو ۽ بڻايو به ڪهڙو آهي؟

لَقَدْ خَلَقْنَا الْاِنْسَانَ فِیْۤ اَحْسَنِ تَقْوِیْمٍ٘(۴)

(سيپارو: 30، التين: 4)

ترجمو ڪنزُ العرفان: بيشڪ يقيناً اسان انسان کي  سڀ کان سٺي صورت ۾ پيدا ڪيو.

هڪ پنجابي شاعر آهي، اُن وڏي نرالي انداز ۾ الله پاڪ جي حمد بيان ڪئي آهي بلڪ ائين چئجي ته اسان جيڪي پنهنجي حسن، جواني، طاقت و قوت تي فخر ڪندا آهيون، شاعر اسان کي هڪ احساس ڏياريو آهي، لکي ٿو:

نَکْ جَے مَتّھے اُتّے ہُوْنْدَا                                                                                                           کَنْ جَے دَھْوْن دَے پِچّھے ہُوْنْدَے

اَکْھاں ہُنْدیاں مَوْڈَے اُتَّے                                                                                      وَکِّھی وِچْ اِکْ پُوْچَھل ہُوْنْدِی

گَوْڈَے دِیْ تَھاں پَسْلِیْ ہُوْنْدِی                                                                    پَسْلِیْ دِی تَھاں گَوْڈَا ہُوْنْدَا

بَنْدَہ کِڈَّا کَوْجَا ہُوْنْدَا

*…*…*…*…*…*

صدقے جائیے سوہنے رَبّ دے                                              جس نے خاص کرم فرمایا

مٹّی دے اس باوے تائیں                                                                           کِڈَّا صُورت مند بنایا