Book Name:Tere Deen Ki Sarfarazi
فرمائي او زيرے ورکوي چې الله پاک ستاسو د پاره رحمت پۀ خپل ذِمۀ کرم باندې لازم فرمائيلے دے۔ سُبْحٰنَ اللہ!
د حضرت حَبِيب رَحْمَةُ اللهِ عَلَيْه دِيني خِدمت
دغه شان پۀ مخکښينو اُمتونو کښې وګورئ! حضرت حبيب رَحْمَةُ اللهِ عَلَيْه د چا ذِکر چې پۀ سُورۀ يسين شريف کښې راغلے دے۔ سُبْحٰنَ اللہ! څومره پۀ ښکلي شان يـې د دِين خِدمت اوکړو، واورئ! الله پاک د يو کلي طرف ته 3 رسولان وليږل۔ هٰغه کلي والؤ د رسولانو نه اِنکار اوکړو، هغوئي له يـې تکليف ورکړو حضرت حَبِيب رَحْمَةُ اللهِ عَلَيْه کوم چې د کلي پۀ غاړه کښې اوسيدو، هغوئي چې خبر شو نو د دِين د خِدمت د جذبې لاندې پۀ منډه راغلو، قوم له يـې د نيکۍ دعوت ورکړو او اوئې فرمائيل: اے قومه! د انبيائے کرامو علَيهِمُ السَّلام اطاعت اوکړئ! دا د الله پاک نبيان دي، پۀ هدايت باندې دي، ستاسو نه هيڅ نۀ غواړي۔ بيا هم تاسو د دوئي نافرماني کوئ۔
اَللہُ اَکْبَر! هٰغه قوم کوم چې د نبيانو خبرې اوريدو ته تيار نۀ وو، د هغه خبره به يـې څنګه اوريدله۔۔۔! نو خلقو پۀ کاڼو پۀ ويشتو ويشتو هغوئي شهيد کړو۔([1]) بيا د دِين دې عظيم خدمت کوونکي ته څۀ شرف حاصل شو، الله پاک فرمائي:
قِیْلَ ادْخُلِ الْجَنَّةَؕ- (پارہ:23، سورۀ یٰسین:26)
ترجمهٴ کنزُ العِرفان: (هغه ته) وفرمائيلے شول چې تۀ جَنَّت ته داخل شه۔
يعنې د هغوئي خطاګانې اوبخښلے شوې، هغوئي له عزتونه ورکړے شو او حکم وشو: جنَّت ته داخِل شه!
سُبْحٰنَ اللہ! خوږو او محترمو اِسلامي وروڼو! اندازه ولګوئ چې حضرت حَبِيب رَحْمَةُ اللهِ عَلَيْه پخپله د الله پاک د لارې مسافر نۀ وو۔ بلکې د هٰغه دريو واړو نبيانو د دِيني قافلې د مدد