ستا د دين سرفرازي

خوږ نبي، ښۀ نبي، رښتوني نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: مسافر د الله پاک محبوب بندګان دي۔ پوښتنه اوکړے شوه: کوم مسافر۔۔۔؟ اوئې فرمائيل: هٰغه کوم چې د خپل دِين د پاره د دلته نه هلته، د هلته نه دلته سفر کوي، د قيامت پۀ ورځ باندې به هغوئي د حضرت عيسیٰ عَلَیْهِ السَّلَام پۀ خوا کښې راجمع کولے شي ۔ ^{(^[1])}

د الله پاک پۀ لار کښې د سفر عجيبه اثر

شيخ شهابُ الدِّين سهروردي رَحْمَةُ اللهِ عَلَيْه فرمائي: د تهجدو کولو، د روژې د نيولو او د نفل نـمونځونو د کولو چي پۀ زړۀ باندې کوم اثر وي، د الله پاک پۀ لاره کښې د سفر کولو هم دغسي اثر وي۔ ^{(^[2])}

اَللہُ اَکْبَر! څومره عظيمه خبره ده۔۔۔!! پۀ تهجدو کولو څۀ کيږي؟ * د زړۀ نه د ګناهونو خيرے لرې کيږي * پۀ زړۀ کښې نُور پيدا کيږي * باطني بيماريانې ټيک کيږي * د نيکو رغبت زياتيږي * د ګناهونو نه نفرت نصيب کيږي * باطن صفا سوتره پړقيدونکے شي او د صوفيائے کرامو رَحْمَةُ اللهِ عَلَيْهم پۀ نزد دا خبره هم ټاکلے شوې ده چې د تهجدو نـمونځ او نفلي روژې ډيرې پۀ تيزۍ سره زړۀ پاک او صفا کوي، شيخ شهابُ الدِّين سهروردي فرمائي: * د زړۀ پۀ پاک صفا * پړقيدونکي ځليدونکي جوړولو کښې چې کوم اثر پۀ تهجدو کښې دے * کوم اثر چې پۀ نفلي روژو کښې دے * کوم اثر چې پۀ نـمونځونو کښې دے، هم هٰغه اثر د الله پاک د لارې پۀ مسافر جوړيدو کښې هم دے، يعنې څومره پۀ تيزۍ سره چې د تهجدو پۀ برکت زړۀ صفا کيږي، هم هٰغه همره پۀ تيزۍ سره د الله پاک د لارې د مسافر جوړيدو سره هم زړۀ صفا کيږي۔

[1]... زہد لابن مبارک، صفحہ:416، حدیث:1513۔

[2]... عوراف المعارف ، باب السادس عشر...الخ، صفحہ: 75 بتصرف۔

Important

Mobile Apps

Contact Us