هم قافلې روانې کړې وې، *صحابۀ کرامو رَضِىَ اللهُ عَـنْهُم به هم پۀ قافلو کښې سفر فرمائيلو او *د هغې نه پس علمائے کرامو، اوليائے کرامورَحْمَةُ اللهِ عَلَيْهم هم دا سلسله جاري وساتله۔ راځئ چې د صحابۀ کرامو رَضِىَ اللهُ عَـنْهُم د يوې قافلې د درد نه ډکه قيصه واورو:

د يوې قافلې د غم نه ډکه قيصه

بَنُو لِـحيَان د عربو يوه غير مسلمه قبيله وه۔ يو ځل د دې قبيلې ځينې خلق بارګاهِ رسالت صَلَّى اللهُ عَلَيْهِ وَاٰلِهٖ وَسَلَّم ته حاضر شول، صرف د منافقت پۀ وجه يـې ووئيل چې مونږ دِين اِسلام زده کول غواړو، تاسو ته خواست دے چې څه صحابۀ کرام (رَضِىَ اللهُ عَـنْهُم) زمونږ سره اوليږئ! چې مونږ ته دِين وښائي۔ خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د هغوئي خواست قبول کړو او د 6، 7 یا 10 صحابۀ کرامو رَضِىَ اللهُ عَـنْهُم يوه قافله يـې د هغوئي سره اوليږله۔ حضرت عاصِم يا حضرت مَرثَد رَضِىَ اللهُ عَـنْهما يـې د هٰغه قافلې مشر جوړ کړو۔

دغه صحابۀ کرامو رَضِىَ اللهُ عَـنْهُم د مدينے منورې عجوه کجورې د ځان سره واخستې ۔ پۀ رواياتو کښې دي چې پۀ لاره به دې حضراتو کجورې خوړلې او ګزاره به يـې پرې کوله۔ کله چې دا مبارکه قافله د دِين د تعليماتو د عام کولو د مقصد لاندې رَجِيع نومې ځائے ته اورسيدله نو د بَنُو لِـحيَان قبيلې والؤ ورسره غداري اوکړه۔

هغوئي د مخکښې نه پټه منصوبه جوړه کړې وه، پۀ دغه ځائے کښې 100، 200 ته نزدې کسان د مخکښې نه راجمع شوي وو، نو هغوئي صحابۀ کرام رَضِىَ اللهُ عَـنْهُم پۀ ولقه کښې واخستل او پۀ هغوئي باندې يـې غشي ورول شروع کړل! پۀ دې حمله کښې 7 صحابۀ کرام رَضِىَ اللهُ عَـنْهُم شهيدان شو۔ حضرت عاصِم رَضِىَ اللهُ عَـنْهُ کوم چې د دې قافلې مشر وو، هغوئي هم شهيد شو۔ 3 صحابۀ کرام رَضِىَ اللهُ عَـنْهُم * حضرت خُبَيب * حضرت زيد * او حضرت عبد الله بن طارِق رَضِىَ اللهُ عَـنْهُم قيديان شول۔^([1])