به د دغه قيد پۀ حالت کښې هم روزانه د تهجدو پۀ وخت پۀ تيز اواز تلاوت کولو۔ د هغوئي د زړۀ پورې تِلاوت پۀ اوريدو به د مکے مکرمې زنانه راجمع کيدلې او قرآنِ پاک به يـې اوريدو او ژړل به يـې۔ ^([1])

سُبْحٰنَ اللہ! خوږو او محترمو اِسلامي وروڼو! څومره ښکلے شان دے۔۔۔!! د هٰغه عظيم الشانې قافلې مسافر د کومو هر کلے چې پۀ غشو او تورو اوکړے شو، د کومو ملګري چې شهيدان کړے شول او هغوئي قيد کړے شول، ګويا هغوئي به د قید حالت کښې هم خپل جدول (يعنې د ژوند معمول مبارک) پۀ پوره طريقه چلولو، روزانه به يـې تهجد کول او ډير ډير تلاوت به يـې کولو۔

د تهجدو فضائل

 کاش چې زمونږ هم سعادت نصيب شي، مونږ خو پۀ قيد کښې هم نۀ يو، ازاد يو، کاش چې تهجد کوونکي جوړ شو۔ الله پاک پۀ قرآنِ کريم کښې فرمائي:

وَ مِنَ الَّیْلِ فَتَهَجَّدْ بِهٖ نَافِلَةً لَّكَ ﳓ (پارہ:15، سورۀ بنی اسرائیل:79)

ترجمهٴ کنزُ العِرفان: او د شپې پۀ څۀ حصه کښې تهجد کوه دا خاص ستا د پاره زيات دي۔

*پۀ حديثِ پاک کښې دي: د فرض نـمونځ نه پس د ټولو نه افضل نـمونځ پۀ شپه کښې ادا کوونکے نـمونځ دے۔^([2])

*پۀ يو روايت کښې دي: کوم بنده چې د شپې راپاڅي او اودس اوکړي، الله پاک فرښتو ته فرمائي: زما دې بنده ته وګورئ کوم چې خپل نفس زما نه پۀ سوال کولو مائله کوي دا بنده چې زما نه څۀ غواړي هغه به دۀ ته عطا کولے شي۔^([3])