عاشقانِ رسول کی تقریباً ہر مسجد میں محفلِ میلاد سجتی ہے، اِس کے ساتھ ساتھ کوشش کیجیے کہ کوئی امیر ہو یا غریب ہر عاشِقِ رسول اپنے گھر میں بھی محفلِ میلاد کا اہتمام کرے۔ جن کو اللہ  پاک نے استطاعت دی ہے، وہ چاہے بڑے پیمانے پر محفلِ پاک کا اہتمام کریں اور جو غریب ہیں، وہ بھی اپنی استطاعت کے مُطَابِق گھر میں محفلِ پاک کا اہتمام کریں، چاہے مختصر سا پروگرام کر لیں مگر محفلِ میلاد لازمی سجائیں۔ کوئی مشکل نہیں ہے، اپنے گھر میں جہاں سہولت ہو پردے کے اہتمام کے ساتھ جگہ مُخْتَص کیجیے! گلی محلے کے زیادہ نہیں تو 8، 10 اسلامی بھائیوں کو دعوت دے لیجیے! محلے کی مسجد کے عاشِقِ رسول امام صاحب کی خِدْمت میں عرض کیجیے! اِنْ شَآءَ اللہ  الْکَرِیْم! وہ ذِکْرِ مَحْبُوب کے لیے منع نہیں کریں گے، مختصر تلاوت ہو، ایک، دو نعتیں پڑھ لیجیے! امام صاحب 15، 20 منٹ کا بیان کر دیں، اگر امام صاحِب یا کسی عاشِقِ رسول مبلغ کی ترکیب نہ بھی بَن پائے تو بھی مشکل نہیں، شیخِ طریقت، امیرِ اہلسنت دامَت بَرَکاتُہمُ العالِیہ کا رسالہ ہے: صبحِ بہاراں، اِسی طرح مکتبۃ المدینہ کے اور کئی رسائل ہیں؛ مثلاً ٭ سیاہ فام غلام ٭بھیانک اُونٹ٭بڈھا پجاری٭نور والا چہرہ٭نور کا کھلونا٭عاشقِ میلادبادشاہ اِن میں سے کوئی بھی رسالہ یا ٭شانِ مصطفیٰ پر 12 بیانات والی مختصر کتاب حاصِل کیجیے! چاہیں تو دعوتِ اسلامی کی ویب سائٹ www.dawateislami.net سے مفت ڈاؤن لوڈ کر لیجیے! خُود ہی پڑھ کر سُنا دیجیے! بیان ہو جائے گا، آخر میں اپنی استطاعت کے مُطَابِق شیرینی وغیرہ تقسیم کر دیجیے! اگر شیرینی بھی مُیَسَّر نہ ہو تو کوئی بات نہیں، جو مُیَسَّر ہو، وہی سہی، میلاد منانے کے لیے لنگر یا شیرینی وغیرہ ضروری بھی نہیں ہے، اللہ  پاک کی بارگاہ میں پیسہ اور اہتمام نہیں بلکہ دِل کا اِخْلاص قبول ہوتا ہے۔ لہٰذا اللہ  پاک نے جو توفیق بخشی ہے، شرکائے محفل کی خِدْمت میں