صَلُّوْا عَلَی الْحَبیب!                                                 صَلَّی اللّٰہُ عَلٰی مُحَمَّد

بیان سننے کی نیتیں

فرمانِ مصطفےٰ صَلّی اللہُ عَلَیْہ وآلِہ وسَلَّم:اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ^([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! *عِلْم سیکھنے کے لئے پورا بیان سُنوں گا  * با اَدب بیٹھوں گا *دورانِ بیان سُستی سے بچوں گا  *اپنی اِصْلاح کے لئے بیان سُنوں گا  *جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبیب!                                                 صَلَّی اللہُ عَلٰی مُحَمَّد

ظالِم بادشاہ نے توبہ کر لی...!

حضرت علَّامہ اَرْشدُ القادری رَحمۃُ اللہِ عَلَیْہ بہت بڑے عاشقِ رسول،ماہر عالِمِ دین ہیں، آپ کو نَبَّاضِ مِلّت (یعنی قوم کی نبض پہچاننے والے) بھی کہا جاتا ہے، عَلَّامہ اَرْشدُ القادری صاحب رَحمۃُ اللہِ عَلَیْہ لکھتے ہیں: ایک بادشاہ بڑا ظالِم اور بدمزاج تھا، شہر کے اَطراف میں اس کا ایک خُوبصُورت باغ تھا، جس میں صاف شفّاف پانی کا حوض تھا۔ ایک مرتبہ خواجہ غریب نواز، خواجہ معینُ الدِّین چشتی اجمیری رَحمۃُ اللہِ عَلَیْہ کا یہاں سے گزر ہوا، خواجہ غریب نواز رَحمۃُ اللہِ عَلَیْہ اُس باغ کے اندر تشریف لے گئے، حوض کے پانی سے غسل فرمایا: نماز ادا کی اور وہیں بیٹھ کر تِلاوتِ قرآن میں مَصْرُوف ہو گئے۔ اتنے میں بادشاہ کے