اور نبیِ پاک  صَلَّی اللہ عَلَیْہِ واٰلہٖ وَسَلَّمَ  پر دُرودِ پاک بھیجیں تو ان کے جدا ہونے سے پہلے دونوں کے اگلے پچھلے گناہ بخش دئیے جاتے ہیں ۔

    (مسند ابی یعلیٰ ، مسند انس بن مالک ، ۳ / ۹۵حدیث:۲۹۵۱ )

صَلُّوا عَلَی الْحَبیب !                                                صَلَّی اللّٰہُ عَلٰی مُحَمَّد

بیان سننے کی نیتیں

فرمانِ مصطفےٰ  صَلَّی اللہ عَلَیْہِ واٰلہٖ وَسَلَّمَ :اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے ۔  ^{([1] )}  اے عاشقانِ رسول !  ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے ۔  بیان سننے سے پہلے بھی اچھی اچھی نیتیں کر لیجئے !  مثلاً نیت کیجئے !   * عِلْم سیکھنے کے لئے پورا بیان سُنوں گا   *  با اَدب بیٹھوں گا  * دورانِ بیان سُستی سے بچوں گا   * اپنی اِصْلاح کے لئے بیان سُنوں گا   * جو سُنوں گا دوسروں تک پہنچانے  کی کوشش کروں گا ۔

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

پیارے اسلامی بھائیو !  الحمد للہ !  ہم مسلمان ہیں ،  رَبِّ کریم نے اپنے فضل و کرم سے ہمیں ایمان کی دولت عطا فرمائی ۔  ایمان ایک نُور ہے ،  جو بندے کے دِل میں رکھا جاتا ہے ،  پھر اس نُور کی روشنی ،   اس کی چمک دَمک  بندے کے اَعْضا (مثلاً ہاتھ ،  پاؤں ،  زبان ،  آنکھ وغیرہ )  میں ،  اُس کے اَفْعَال میں ،  کردار میں ،  اَخْلاق میں نظر آتی ہے ،  بہت ساری ایسی چیزیں ہیں ،  جو دِل میں موجود نُورِ ایمان کو مَدَّھم کر دیتی ہیں ،  بندے کے دِل میں نُورِ ایمان موجود تو ہوتا ہے ،  دیکھنے والے اسے مسلمان ہی کہتے ہیں ،  بندہ خُود بھی اپنے آپ کو مسلمان ہی سمجھتا