پاک کی بارگاہ میں اس کا وسیلہ پیش کرو! چنانچہ  * ان میں سے ایک نے والدین  ( Parents )  کی خدمت والی نیکی کا وسیلہ پیش کر کے دُعا کی: فَافْرُجْ عَنَّا فُرْجَۃً نَریٰ مِنْہَا السَّمَآء یعنی اے اللہ پاک! میری خدمتِ والدین والی نیکی کے صدقے اس چٹان  ( Rock )  کو اتنا ہٹا دے کہ ہمیں آسمان نظر آجائے۔ جیسے ہی اس نے نیک عمل کا وسیلہ پیش کر کے دُعاکی، اسی وقت وہ چٹان ذرا سا سرک گئی اور آسمان نظر آنے لگا  * اب دوسرے صاحِب نے اپنے خوفِ خُدا اور حیاء والی نیکی کا وسیلہ پیش کر کے کہا: فَافْرُجْ عَنَّا فُرْجَۃً یعنی اے اللہ پاک!میرے اس نیک عمل کی برکت سے اس چٹان کو مزید ہٹا دے۔ چنانچہ چٹان مزید سرک گئی  * اب تیسرے شخص نے اپنی امانت داری والی نیکی کا وسیلہ پیش کر کے دُعا کی: فَافْرُجْ عَنَّا یعنی اے اللہ پاک! میری اس امانت داری  ( Honesty )  کے وسیلے سے اس چٹان کو مزید ہٹا دے۔ جیسے ہی اس نے دُعا کی تو میرے محبوب  صلّی اللہ عَلَیْہِ وَ آلِہٖ وَسَلَّم  فرماتے ہیں: فَکُشِفَ عَنْہُم یعنی وہ چٹان جس نے غار کا منہ بند کر کے انہیں قید کر دیا تھا، ان کے نیک اعمال کے وسیلے کی برکت سے وہ چٹان ہٹ گئی  ( اور یہ سب اپنے رستے چلے گئے ) ۔  ^{( [1] )}  

سُبْحٰنَ اللہ! یہ ہے وسیلے کی برکت...!! لہٰذا جب بھی کوئی مشکل ہو، پریشانی ہو، مصیبت ہو،تنگدستی  ( Poverty )  ہو، کوئی کام کرنا چاہتے ہوں، کسی میدان میں کامیابی چاہتے ہوں تو نیک کام کریں، اپنے نیک اَعْمال کا وسیلہ پیش کر کے اللہ پاک کے حُضُور دُعا کریں۔اِنْ شَآءَ اللہُ الْکَرِیْم! کامیابی قدم چومے گی۔

نیک لوگوں کابھی وسیلہ پیش کیجئے!

پیارے اسلامی بھائیو! جس طرح نیک اَعْمال کا وسیلہ پیش کر کے کامیابیاں ملتی ہیں،