اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن

اَمَّا بَعْدُ! فَاَعُوْذُ بِاللہِ مِنَ الشَّیْطٰنِ الرَّجِیْمِ بِسْمِ اللہِ الرَّحْمٰنِ الرَّحِیْمِ

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ                                                                  وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ                                                                                وَعَلٰی آلِکَ وَاَصْحٰبِکَ یَانُوْرَ اللہ

نَوَیْتُ سُنَّتَ الْاِعْتِکَاف                                                                                                                ( ترجمہ: میں نے سُنَّت اعتکاف کی نِیَّت کی )

درود شریف کی فضیلت

علّامہ یُوسُف بن اسماعیل نبہانی  رَحمۃُ اللہِ عَلَیْہ  بہت بڑے عاشِقِ رسول ہیں، آپ نے درودِ پاک کی فضیلت پر کئی کتابیں لکھیں ہیں، آپ خُود اپنا واقعہ لکھتے ہیں: ایک مرتبہ کسی شخص نے مجھ پر جھوٹا الزام  ( False Allegation )  لگا دیا، اس الزام کی وجہ سے وقت کے سلطان نے میرے لئے حکم سُنایا کہ انہیں شہر سے نکال دیا جائے۔ یہ سُن کر مجھے پریشانی ہوئی، یہ جمعرات کا  دِن  ( Thursday )  تھا، چنانچہ جمعہ کی رات کو میں نے ایک ہزار مرتبہ استغفار پڑھا، پِھر 350 مرتبہ یوں درود شریف پڑھا:

اَللَّہُمَّ صَلِّ عَلٰی سَیِّدِنَا مُحَمَّدٍ وَّ عَلٰی آلِ سَیِّدِنَا مُحَمَّدٍ قَدْ ضَاقَتْ حِیْلَتِیْ اَدْرِکْنِیْ یَارَسُوْلَ اللہِ

یہ پڑھ کر میں سو گیا، پِھر تہجد کے وقت اُٹھ کر دوبارہ ایک ہزار مرتبہ درود شریف پڑھا، پھر استغاثہ کیا ، اس کی برکت یُوں ظاہِر ہوئی کہ اگلے ہی دِن میری بے گُنَاہی ثابت ہو گئی اور خلیفہ نے خط بھیج کر میری بےگُنَاہی کا اِظْہار کیا۔ ^{( [1] )}  

نبی کے صدقہ تمہاری مراد ہو حاصل                                    دعا کے اول و آخر اگر درود پڑھو