سُبْحٰنَ اللہ! یہ اَوْلیائے کرام کے تبرکات کی شان ہے، پِھر خُود ان کی اپنی ذات کی شان کیا ہو گی۔ لہٰذا ہمیں چاہئے کہ کسی بھی میدان میں، کسی بھی سطح پر،کسی بھی لحاظ کی اچھی،نیک و جائِز کامیابی چاہتے ہوں تو اللہ پاک کے حُضُور وسیلہ پیش کریں، نیک کام کریں، نیک لوگوں، نبیوں ولیوں کے وسیلے سے دُعا مانگیں، اِنْ شَآءَ اللہُ الْکَرِیْم! اس کی برکتیں نصیب ہوں گی اور اللہ پاک نے چاہا تو ہر میدان میں کامیابی قدم چومے گی۔

پِیر کی ضرورت و اہمیت

پیارے اسلامی بھائیو! اللہ پاک نے فرمایا:

وَ ابْتَغُوْۤا اِلَیْهِ الْوَسِیْلَةَ                                                                                           ترجمہ کنزُ العِرفان:اور اس کی طرف وسیلہ ڈھونڈو

اس آیت کے تحت مفسرینِ کرام نے ایک مدنی پھول  ( Madani Pearl )  یہ بھی دیا کہ جو بندہ اللہ پاک کا قرب حاصِل کرنا چاہتا ہو، نیک رستے کا مسافِر بن کر اللہ پاک کے حُضُور بلند مقام پانے کا خواہش مند ہو، اس پر لازم ہے کہ پِیر کا وسیلہ اختیار کرے کہ پِیر کے بغیر اس راہ میں کامیابی نہیں ملتی۔  ^{( [1] )}

گَرْ ہَوَائے اِیْں سَفَرْ دَارِیْ دِلَا                                                                            دَامَنِ رَھْبَر بَگِیْرَوْ پَسْ بِیَا

اے دل! اگرتواس سفرکی خواہش رکھتاہے توکسی راہنما کادامن پکڑ، پھرآ۔

گَرْ رَوِی صَدْ سَال دَرْ رَاہِ طَلَبْ                                                                     رَاھْبَرْ نَبَوَدْ چِہْ حَاصِلْ زَاں تَعب

اگرتُوطلب کی راہ میں 100سال چلتارہے، راہنما اگرنہیں ہے تو اس مشقت کاکیافائدہ ہے!

بَے رَفِیْقَے ہَرْ کِہْ شُدْ دَرْ رَاہِ عِشْق                                                               عُمَرْ بَگُذَشْت وَنَشُدْ آگَاہِیْ عِشْق ^{( [2] )}

پیر  کے بغیرجوکوئی عشق کے راستے پرچلا اس کی عمرگزرگئی اوروہ عشق سے آگاہ نہ ہوا۔